Во Владата денеска ќе бидат потпишани договорите за изградба на фотонапонска електрана по принцип на јавно-приватно партнерство во Осломеј од 100 мегавати.
На потпишувањето ќе се обратат премиерот Зоран Заев, генералниот директор на „АД ЕСМ“ Васко Ковачевски, сопственикот на „Фортис енержи електрик“ од Турција, Атилла Учкардеш, како и управителот на фирмата „ОСМ Солар-Скопје“, Константин Василев Ненов.
Фотонапонската електрана од 100 мегавати е конципирана од две постројки од по 50 мегавати во кои „АД ЕСМ“ ќе биде јавниот партнер со компанијата „Фортис енержи електрик“ од Турција и со „Солар про“ од Бугарија./МИА/.
