„Решивме наместо да инвестираме во палми, во непродуктивни споменици кои блештат од корупција, да инвестираме во луѓето и нивните потреби. Покажавме дека може да се градат нови градинки и училишта, да се реновираат боллници и да се вложува во оние на кои им е најпотребно“ кажа секретарот за меѓународна соработка на СДСМ и министер за правда, Бојан Маричиќ, на граѓанската трибина „Најдоброто за нашата општина“ во Ресен.
Тој додаде дека сите политики на СДСМ имаат една цел – да им помогнат на граѓаните и да ги решат нивните проблеми. Како што кажа Маричиќ, токму затоа и СДСМ води праведни политики и политики кои придонесуваат за доброто на граѓаните.
„Преполниот плоштад во Ресен покажува дека СДСМ е најдобрата, најсилната и најпрогресивната партија која единствена остана со народот и меѓу граѓаните. Покажавме дека сме најдобри кога сме меѓу граѓаните и кога ги слушшаме граѓаните победуваме“ рече Маричиќ.
Тој додаде дека не било ни лесно ни едноставно да се преземе власта кога државата беше опустошена, покрадена, изолирана и заробена.
„Сепак, Владата и општините покажаа дека може за 4 години да се направи позитивна промена во сите делови и сите слоеви на општеството“ рече Маричиќ.
Д. Е.
