Активистот Бленди Ходаи со видео порака во иницијативата на ЦИВИЛ „Направи разлика, почитувај ги различностите“: „На различностите да гледаме како на додадена вредност:“
-Етничката, културната и верската различност во Северна Македонија несомнено дека е богатство за целата земја, бидејќи колку повеќе култура има една земја, толку е таа побогата. Лично, секогаш кога сум на конференции на коишто ги претставувам младите од Северна Македонија, се чувствувам горд што ги претставувам, бидејќи меѓу младите има многу различни култури кои ја прават нашата земја побогата, вели Ходаи.
„Почитувањето на човековите права, различностите и маргинализираните групи е предуслов за нашата земја и за сите земји кои се стремат да бидат дел од Европската унија. Треба да работиме напорно, како млади луѓе да имаме општество во кое ќе се почитуваат разликите, општество каде никој нема да биде дискриминиран и игнориран, општество во кое на различноста и целата оваа разновидност на културите што живеат во нашата земја, ќе се гледа како додадена вредност за нас, а не како закана за земјата.“
Ходаи наведе и личен пример од своето искуство што се однесува до неговиот активизам, за почитувањето на различностите, на неколку нивоа.
-Личен пример што го илустрира моето искуство во однос на почитувањето на различните култури и етнички и религиозни заедници што живеат во нашата земја, е токму примерот што јас и многу други студенти сме работеле од 2017 година, бидејќи сум претседател и основач на Унијата на средношколци, каде што ги обединивме сите студенти без оглед на етничката, културната или верска припадност. Ова доведе, за прв пат од 1991 година, поточно од независноста на Македонија, до обединување на сите средношколци во едно тело што нема да ги дискриминира студентите врз основа на етничка припадност, култура или религија. Ова ги направи младите луѓе тука, многу помоќни отколку што беа пред неколку години, посочува Ходаи.
„Една од причините зошто изразив желба да бидам дел од Иницијативата на ЦИВИЛ, е токму изреката на филозофот Платон, кој вели дека е граѓанска обврска на сите да бидат дел и да им помагаат на процесите во општеството, и затоа сметам дека мојата задача како млад човек во Северна Македонија, е да им помагам на процесите што се во интерес на земјата, да им помагам на процесите што ќе ги почитуваат разликите и ќе направат разлика, како млади луѓе во нашата земја.
Време е да одмориме од минатото и да се фокусираме повеќе на иднината, за да напредуваме што побргу и да створиме иднина. Новите генерации што доаѓаат да не ја гледаат својата земја како место од кое само сакаат да го завршат образованието и потоа да си одат од земјата, заради поларизираноста во општеството. Затоа, време е да одмориме од минатото, и да се фокусираме на градење на што подобра иднина за младите.“, порачува Ходаи.
За време на снимањето на видео пораката, Бленди Ходаи беше претседател на Средношколскиот сојуз, средношколец матурант, активен борец за подобрување на образованието и воедно основач на Средношколскиот сојуз.
Дијана Тахири / ЦИВИЛ МЕДИА
