Пладневен преглед: КЗБ предлага нови мерки во Тетовско, состојбата со ковид-19 сериозна, Заев на терен, порача да ги спречиме сите ризици кои предизвикуваат пожар

Заварувал ограда и предизвикал пожар кај ОХИС, кривична пријава за лице од Кавадарци. Во врска со пожарот за кој на 05.08.2021 околу 16.30 часот беше пријавено дека настана во кругот на фабрика на ул.„Борис Трајковски“ во Скопје, во кој беа опожарени покривот и таванот на административната зграда, кат од зградата на лабораторијата, трафостаница, багер, резервоар за вода и магацин за алат, сите во сопственост на правно лице, по ивршениот увид, од страна на полициски службеници од Единицата за насилен криминал, на службен разговор во полициска станица беа повикани повеќе лица.

Шекеринска: Армијата успеа да организира хеликоптерите кои гасат пожари, да полнат гориво во близина на кризните точки. Уште рано утрово, армиските хеликоптери веќе се активни во источниот регион, напиша Шекеринска.

Политичкиот пироман Мицкоски седи на страна, саботира, одмага и се обидува да профитира од пожарите – велат од СДСМ. Мицкоски и ВМРО-ДПМНЕ ги изгубија парламентарните избори токму заради ваквото некрофилско однесување, а граѓаните ќе ги казнат и на локалните избори“, се вели во партиското соопштение.

Климата на Балканот ќе биде уште полоша: Климатолозите имаат црни предвидувања. Многу експерти се согласуваат дека овие пожари се само една од последиците од климатските промени кои брзо ги менуваат условите за живот на нашата планета, вклучувајќи го и Балканот, кој, според климатолозите од регионот, вакви лета како ова кое едвај го преживуваме, но и уште полоши, не чекаат во годините кои доаѓаат.