Авионот Ц-27 Спартан на романското воено воздухопловство, кој е специјализиран за гаснење пожари, денеска дејствуваше над с. Раховиќ Општина Сарај, информираат од Дирекцијата за заштита и спасување
Како што нагласуваат од ДЗС, авионот испушта 6 тонски кеси со вода во форма на падобран бомба кои се распрскуваат врз огнот.
– На терен се тимовите на ДЗС со 13 лица, Доброволното ПП друшто Бајрам Мифтари со 5 пожарникари и 22 припадници на армијата, велат од ДЗС.
Претходно од Дирекцијата за заштита и спасување информира дека врз основа на Одлуката на Владата, доколку постои потреба за акциите за гаснење на пожарите, без надомест да употреби гориво од резервите на министерствата за одбрана и внатрешни работи. Вчера бил реализиран транспорт на 5.000 литри Еуродизел, а доколку постои потреба за акциите за гаснење на пожарите, без надомест да употреби и 50.000 литри течно вештачко гориво керозин од ресурсите на министерствата за одбрана и за внатрешни работи.
J. Ѓ.
