ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ДЕЗИНФОРМАЦИИ

Вистиномер: Лажно се имплицира дека смртта на 49 годишна жена од Куманово има врска со вакцината

August 19, 2021 16:31
in ДЕЗИНФОРМАЦИИ, ДЕНЕС, ПАНДЕМИЈА
Share on FacebookShare on Twitter

Пациентката на возраст од 49 години починала како последица на коронавирусот, а не поради вакцината, иако била вакцинирана со една доза. Тоа што некој се вакцинирал со една доза, не значи дека неговото тело создало имунитет и дека е отпорен на заразување. За да се создаде имунитет потребна е втора доза, но и да помине одреден временски период од нејзиното примање, којшто е различен за секој производител на вакцина. Постот манипулира на тој начин што селективно ги прикажува податоците и ги вади од контекст. За таа цел намерно не е наведено дека пациентката починала од ковид, туку само се кажува дека таа примила прва доза вакцина по што починала, пишува „Вистиномер“.

Анализата подолу ја пренесуваме во целост:

Рецензираме пост на Фејсбук во кој се тврди дека 49-годишна жена во Куманово починала после прва примена доза од вакцината. Тврдењето имплицира дека смртта настапила поради самата вакцина, а за да се направи поубедлива ваквата импликација, презентиран е дел од телевизиски прилог, во кој што фрагмент се вели:

49-годишната жена починала после прва примена доза вакцина. Мислела дека и е лошо поради реакција од вакцината.

„Примила прва доза на вакцина. Мислела дека и е лошо поради вакцината. Лошо, лошо, не поминува. Направила тест, на тестот позитивна. Третирана е во болница ама испратена е веднаш во Скопје“, се вели во телевизискиот прилог, во кој изјава дава директорката на кумановската болница, доктор Снежана Захариева.

Меѓутоа, кога ќе се погледне целиот емитуван прилог (со почеток од 1.52 мин. на следниот линк), се гледа дека контекстот на исечениот фрагмент, кој имплицира поврзаност на вакцината и смртта на жената не е таков!

Со почеток во 2.29 мин. од ова видео од вестите, пак, може да се забележи севкупниот контекст. А, тој е дека во прилогот се известува за 2 починати пациентки од Куманово во еден ден, и двете починати како последица на коронавирусот, а не како последица од вакцината.

Првата пациентка била штотуку породена со царски рез 13 недели пред терминот за пораѓање, по што на респиратор завршила во Инфективната клиника во Скопје, а бебето е во инкубатор. Таа, пред да почине, била третирана во кумановската болница и во амбулантското одделение, а потоа поради тоа што се пожалила дека не го чувствува бебето, била префрлена на ГАК, па на Инфективната клиника, каде што, за жал, починала.

Втората пациентка била на возраст од 49 години и починала како последица на коронавирусот, а не поради вакцината, иако била вакцинирана со 1 доза. Тоа што некој се вакцинирал со една доза, не значи дека неговото тело создало имунитет и дека е отпорен на заразување. За да се создаде имунитет потребна е втора доза, но и да помине одреден временски период од нејзиното примање, којшто е различен за секој производител на вакцина. Постот манипулира и селективно ги прикажува податоците. За таа цел намерно не е наведено дека пациентката починала од ковид, туку само се кажува дека таа примила прва доза вакцина по што починала – што е типична манипулативната техника со смислено пропуштање на контекстот.

Односно, со сокривање на дел од податоците, како на пример дека пациентката била позитивна на коронавирусот и дека симптомите што ги чувствувала не биле последица на вакцината, туку последица на ковид симптоматологија, се доведуваат во заблуда граѓаните да веруваат дека смртта настапила од вакцината, иако за тоа во постот не се нудат буквално никакви аргументи и докази. Ваквиот манипулативен начин на прикажување на нештата има ефект кај некритичката јавност и тоа може да се забележи од коментарите под постот, во кои се критикува вакцината, се обвинува за геноцид и се тврди дека луѓето умираат од вакцината.

Исто така, се пропушта уште еден важен елемент којшто е исечен од прилогот што се споделува. А, тоа е дека освен 49-годишната жена, истиот ден починала и 29-годишна штотуку породена жена во 7 месец од бременоста позитивна на ковид и невакцинирана со ниедна доза. Тој дел од прилогот намерно или ненамерно е отстранет.

Поради горенаведената аргументација, постот го оценуваме како пост во кој е пропуштен контекстот. Една доза вакцина не е доволна за да се создаде имунитет кај непрележаните лица на ковид-19. Уште во април месец годинава, кога вакцинацијата беше на самиот старт во Македонија, претседателот на Комисијата за заразни болести, доктор Жарко Караџовски, рече дека тие што се вакцинирани со една доза треба да се однесуваат како невакцинирани, во контекст на тоа да носат маска и да одржуваат физичка дистанца додека да се создадат антитела во нивниот организам, пишува „Вистиномер“.

 

ФРОНТЛАЈН Е-БИЛТЕН

ПРЕТПЛАТИ СЕ НА Е-БИЛТЕНОТ НА ФРОНТЛАЈН И ДОБИВАЈ ГИ НАЈНОВИТЕ ВЕСТИ НА ТВОЈАТА Е-АДРЕСА

Check your inbox or spam folder to confirm your subscription.

НАЈНОВО

СДСМ нема да има кандидати за градоначалници во Сарај, Чаир, Тетово, Гостивар, Дебар, Струга и Желино

June 20, 2025

Филипче ги објави првите 19 кандидати на СДСМ за градоначалници

June 20, 2025
Фото:  МИА

Конечната пресуда за убиствата на Вања и Панче на 25 јуни

June 20, 2025

НАЈЧИТАНО

  • СДСМ нема да има кандидати за градоначалници во Сарај, Чаир, Тетово, Гостивар, Дебар, Струга и Желино

    0 shares
    Share 0 Tweet 0
  • Манев го откри идентитетот на лицето кое го уништил синиот ранец со пиштолот и моторолите користени за убиствата на Вања и Панче

    0 shares
    Share 0 Tweet 0
  • Британски „Економист“: Вучиќ е на колена

    0 shares
    Share 0 Tweet 0
  • Во 4 по полноќ започнува летото, утре ќе биде најдолгиот ден во годината

    0 shares
    Share 0 Tweet 0
  • Мистериозните древни луѓе сега имаат лице

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk