На денешната прес-конференција генералниот секретар на СДСМ, Љупчо Николовски, објави 16 имиња на кандидати за градоначалници избрани од СДСМ.
Кандидатот за градоначалник од СДСМ, Горан Сугарески со пост на Фејсбук, се заблагодари на подршката и укажаната чест.
Тој истакна дека е свесен за одговорноста, но и дека ќе го стави своето искуство и знаење во функција на Прилеп и прилепчани.
„Дозволете да ви се заблагодарам за искажаната поддршка, како и на централното раководство на СДСМ за укажаната чест да ја потврди мојата кандидатура за градоначалник на општина Прилеп.
Свесен сум дека преземам огромна одговорност и дека влегувам во најважната политичка битка во мојот живот. Доаѓа време кога целото мое искуство, стекнато знаење и вештини, ги посветувам исклучиво на мојот роден град, на Прилеп и на прилепчани.“, напиша Сугарески.
Сугарески истакна дека борбата за Прилеп, секогаш била и ќе биди поголема од партиската, етничката, верската или било која друга припадност.
„Од денеска па натаму, ценети мои сограѓани, официјално и практично се соочуваме со предизвикот на претстојните локални избори заедно да оствариме голема и сенародна победа, во која сите ќе се вградиме и со која ќе се гордееме. Победа ЗА СИТЕ, победа НА СИТЕ!
Борбата за Прилеп секогаш била и ќе биди поголема од партиската, етничката, верската или било која друга припадност. На Град Херој како Прилеп, единствено така и му приличи. Никако поинаку.“, вели Сугарески
Тој јавно се обврзува дека ќе обедунува, дека нема предрасуди, дека ги почитува различностите.
„Јавно се обврзувам дека нема да делам, туку ќе обединувам. Дека немам предрасуди спрема никого. Дека ги препознавам и почитувам разликите. Дека искрено ја почитувам конкуренцијата и дека сум подготвен секоја добра идеја да ја интегрирам во мојата изборна Програма. Бидејќи мојата цел е да бидам градоначалник на, без исклучок, сите граѓани на општина Прилеп.
Тргнуваме силно и непоколебливо, тимски да ја презентираме нашата визија за уште помодерен и поразвиен Прилеп. Да докажеме дека го имаме клучот за сите проблеми, дека имаме ефикасен систем за грижа на сите граѓани од градот и населените места.
Нашиот заеднички дом ќе го градиме заедно. Заедно ќе го направиме најдоброто за нашата општина!“, наведува кандидатот за градоначалник за Прилеп, Горан Сугарески.
J. Ѓ.
