Почнува пописот на населението, домаќинствата и становите. По речиси 20 години, премежја, опструкции и одоговлекувања конечно сме на прагот да започнеме со теренската работа и со собирањето на потребите податоци. Сите подготовки се завршени. Комисите на пописните регони заедно со нашите државни инструктори успешно ги завршија обуките на реонските инструктори и попишувачи и денеска се излезени на терен во обиколка на своите пописни кругови, истакна директорот на ДЗС, Апостол Симовски.
Симовски: Пописот се одвива без проблеми, граѓаните да соработуваат. Од утринава, кога почна најголемата статистичка операција во земјава, нема информации за одбивање за попишување од страна на граѓаните или за каков било технички проблем, изјави директорот на Државниот завод за статистика Апостол Симовски по попишувањето на едно домаќинство во Ѓорче Петров.
ПОПИС 2021: Во сите 50 пописни реони попишувачите се излезени на терен и веќе се спроведува попишувањето.
ЦИВИЛ за пописот на населението: Осуда на политизацијата, повик за учество и поддршка на процесот. Повиците на бојкот се кривично дело. Структурите што повикуваат на бојкот на пописот имаат цел да се стекнат со политички профит, на сметка на јавниот интерес. ЦИВИЛ ја повикува јавноста да го отфрли и осуди таквото несовесно политичко дејствување“ – повика ЦИВИЛ.
Маричиќ: Почна најважната статистичка операција од осамостојувањето до сега. Маричиќ на Државниот завод на статистика му посака успешна работа, а на попишувачите на терен им се заблагодари за трудот, посветеноста и придонесот за овој статистички процес.
Веројатно следната година ќе се прима и трета доза вакцина за Ковид-19, болниците оптоварени со невакцинирани лица. Огромен процент од новодијагностицирани пациенти, 80 и неколку проценти и од тие коишто се во болница се невакцинирани, што значи дека тоа е проблемот не само кај нас, туку насекаде. Разговараме и со колегите во регионот, секаде болниците се оптоварени си со невакцинирани пациенти, нагласи вчера министерот за здравство.
Јовановиќ: Кумановци заслужуваат силен и обединувачки дух како оној на Сугаре и Јовановски во Прилеп. Можеше Илија Јовановски, градоначалникот на Прилеп да урла против Заев? Можеше. Можеше да најде било кое идиотско оправдување за втор мандат, ама тоа не го прави. Оти кога си тим, кога веруваш во целите, не претставува никаков проблем палката да ја предадеш на својот соборец, сограѓанин и пријател, пишува аналитичарот Ненад Јовановиќ.
На денешен ден пред 12 години потона бродот „Илинден“, 15 бугарски туристи се удавија. Капетанот на бродот, Филевски и хрватскиот државјанин Баиќ беа осудени на по една година затвор. Судот одлучи дека Сотир Филевски не ги почитувал прописите за превозот и непромислено сметал дека не постои опасност да се качат повеќе од 50 бугарски туристи. Баиќ беше осуден и за кршење на законот за превоз.
Сe пробива нова улица во кругот на Клинички центар. Изграден е и нов влез кај клиниката за стоматологија со кој беа создадени услови за целосно одвојување на влезовите и на трасите на движење на возилата за брза помош од оние на останатите возила кои влегуваат во кругот на Клинички.
