Заев: Пописот стартуваше исклучително успешно. Последниот податок покажува дека некаде 94.500 граѓани се попишале, што е исклучително успешно имајќи предвид дека беше недела и дека е прв ден за попис, оцени денеска премирот Зоран Заев.
Првиот ден од пописот помина без забелешки, а државниот врв, партиите и невладините организации повикаа граѓаните да соработуваат. Пописот започна без одбивање за попишување од страна на граѓаните, а не бил пријавен ниту каков било технички проблем, изјави вчера директорот на Државниот завод за статистика Апостол Симовски по попишувањето на едно домаќинство во Ѓорче Петров.
Сите млади кои починале од ковид 19 не биле вакцинирани, вели Филипче. Министерот за здравство додава и дека најголем број на хоспитализирани вакцинирани пациенти се со примена една доза.
Филипче: Младите се на удар, в четврток ќе се отвори пункт за вакцинација на Универзитетот „Св. Кирил и Методиј“. Вирусот се шири меѓу нив, тие се медијатори може да го шират и во своите семејства. Докажано е дека вакцината е безбедна, докажано е дека е ефикасна, не треба да има страв, тоа е еден од начините да се спречи ширењето на вирусот. Битно е младите да се социјализираат, да ги вратат назад своите животи, потенцираше министерот Филипче.
Филипче: Никој не останал без лекарска грижа. За превентивата која што се одвива кај матичните лекари не е ништо променето, меѓутоа кај специјалистите и специјалистичките прегледи во сите болници во моментот кај што се третираат ковид пациенти не се запрени останатите прегледи, изјави на денешната прес-коференција министерот за здравство Венко Филипче.
Ереван-Виена виа Скопје… Деталите од целата перипетија се далеку од расветлени, но она што, малку од Ереван и малку од Скопје, може да се реконструира е дека во 2018 г. „екипа“ од тројца македонски дипломати (видео-надзорот на ереванскиот аеродром, покрај уапсениот Миле Миленкоски, наводно ги идентификува на снимките и Б.С. и С.С. од составот на МНР, по кои не се издадени потерници) како на приватен чартер (авионот е можно да е од Виена, во сопственост на извесен ерменски тајкун) го качуваат контроверзниот ерменски олигарх Левон Саргсјан, брат на поранешниот ерменски претседател Серж Саргсјан, и го транспортираат во правец на Виена, за потоа да му се изгуби трагата, иако надлежните ерменски власти го товарат и го бараат во врска со многу милиони наводно проневерени пари и коруптивни зделки….прочитајте во најновата колумна на Сашо Орданоски.
Твитер: Кандидатката за градоначалник на Центар од ВМРО-ДПМНЕ рече дека „Скопје 2014“ не бил проект на претходната власт. За потсетување, проектот Скопје 2014 беше еден од најамбициозните проекти на ВМРО- ДПМНЕ со кој тогашниот претседател на партијата и сегашен политички азилант, пребеган во Унгарија, Никола Груевски, посебно се гордееше. Според објавата на БИРН од 2018 година, проектот до тогаш ги чинел граѓаните над 684 милиони евра.
ЕБОР ќе ја поддржи Владата во реализација на приоритетните проекти. Реализацијата на тековните проекти и динамиката на нивното изведување, како и инвестиции во нови проекти од областа на патната и железничката инфраструктура, енергетиката, екологијата, беа тема на денешната средбата на министерот за финансии Фатмир Бесими со потпретседателот на ЕБОР Јурген Ригтеринк, што се одржа во Министерството за финансии, пред почетокот на Првата годишна конференција „Економско заздравување и раст по Ковид“.
