пишува: РИБАРО
После објавата на најновите резултати од анкетата на „Брима“, според која Мицкоски е со едноцифрена процентуална бројка поддршка кај граѓаните и убедливо е после Заев, во белата палата на вмровците, утрово имало високи тонови, меѓусебни квалифинации обвинувања, информираат вмровски изворите за АХА.
Лидерот на вмровците гневот посебно го насочил кон теледиригираните клукајдрвци од социјалните мрежи кои се платени да ја амортизират лузерската политика на Мицко, но и тие останале засегнати од бројките кои по сите параметри оделе во корист на Заев, наспроти Мицкоски и не знаеле како да реагираат на катострофалниот резултат.
„Каде се нашите клукајдрвци од Твитер и Фејсбук?! За што ги плаќаме?!
Станувајте ги!
Нели гледате дека рејтингот ми е 7 факинг %, приближнo со оној од Ахмети?! Знаете ли каква катастрофа е тоа?! Кажете му на Антоњо да ги прегрупира и реорганизира платените клукајдрвци! Има денеска да релативизираат и измислуваат други теми на социјалните мрежи. Нека засилат со обвинувањата за катастрофата со Тетово. Некоја нова лажна вест нека измислат, како онаа со две години старата фотка од Вицето и Филипче. Што и да е нешто извадено од ракав, нека потпалуваат гнев и нетрпение кај луѓето. За тоа се платени! Што сакаат нека сечат-лепат, само да се покрие срамот што ќе го кркам после оваа анкета. Што прави будимпештанската курирана, нели ги засиливме со Кики-фрики…“, викал Мицкоски низ ходниците на белата палата на вмровците.
– Ама шефе, срамота и гревота е веќе да се шлепаме на трагедијата во Тетово, а и со лажниве вести претеравме, ептен нè раскринкаа, ни се смее народ, му рекол на Мицкоски еден од соработниците од пониските ешалони, кој подоцна за редакцијата на АХА кратко прокоментира:
– Загрижен сум, не знам што ќе се прави со човеков.
Рубриката АХА! е простор за хумор и сатира. Секоја сличност со реалноста е намерна и не е претерана.
FRONTLINE.MK
