Донесовме Урбанистички план за Хром, и ја спасивме оваа населба, претходно секоја куќа беше потенцијална зграда, преку урбан развој на горниот дел, Хром повеќе нема да се менува, порача градоначалникот на Ѓорче Петров на денешниот отчет пред граѓаните.
Наумоски истакна дека иако во 2017 ја затекнал општината во долгови и без планови за иден развој, заедно со својот тим успеал да реализира капитални и важни проекти во секоја урбана заедница во општината.
Александар Наумоски во отчетот пред граѓаните истакна дека како никогаш досега се инвестира во населеното место Волково каде денеска значително се унапредени условите за живот.
„Во Волково, за првпат изградивме детска градинка, по многумина најмодерна и најсовремена не само овде, туку и во регионот. По 60 години Јоаким Крчовски доби спортска сала. Денес 400 ученици и сите жители на Волково имаат можност да спортуваат во нова модерна спортска сала, изградивме нов кружен тек, на многу улици ставивме крај на септичките јами со поставување на канализација а потоа и асфалт или бехатон“ порача градоначалникот Наумоски.
Д. Е.
