Го преживеавме пописот. Левица, официјалниот политички губитник кој повикуваше на бојкот, се посрамоти, пишува Сашо Орданоски во најновата колумна. САД се надеваат дека Скопје и Тирана ќе ги започнат преговорите со ЕУ годинава…Стари режимски кадри и нова иднина, не одат заедно, порача Заев…Резултати од пописот за шест месеци….невакцинирани 79 % од Ковид 19 хоспитализираните..
ФРОНТ И РЕНДГЕН
Пописот заврши – преживеавме!..Но, официјално, главниот „политички“ губитник кај нас од успешно завршениот попис е десничарската „Левица“. Таа остана единствената, до крај, со повици и активности за бојкот на попишувачите. И се обрука….прочитајте ја најновата колумна на Сашо Орданоски.
Инјектирање фејк.
ПОЛИТИКА И ПАНДЕМИЈА
Ескобар: САД се надеваат дека Скопје и Тирана ќе ги започнат преговорите со ЕУ оваа година. Американскиот заменик-помошник државен секретар за европски и евроазиски прашања Габриел Ескобар, се надева дека сите европски држави ќе ја разберат стратешката важност од тоа да им дозволат на овие две држави да ги започнат преговорите за членство.
Продолжени за уште една седмица актуелните мерки за влез во Грција. Задолжителен документ за Ковид-19 и PLF формулар, кои меѓу другото важат и за државјаните на Северна Македонија, продолжени , јави дописничката на МИА од Атина.
Пописот успешен, резултатите за шест месеци. Вкупно 1.832.696 лица, 568.175 домаќинства и 837.255 станови се евидентирани со Пописот што официјално заврши вчера, а траеше 26 дена, почнувајќи од 5 септември. Во дијаспората се самопопишале 204.805 македонски државјани, најмногу од западноевропските, а многу помалку од прекуокеанските земји.
Со новите 59 градинки, капацитетите се зголемија за 130%, најавени нови 10 објекти до крајот на годинава.
Дури 77% од новите случаи и 79% од хоспитализираните со Ковид 19 се невакцинирани, соопшти Министерството за здравство.Смртноста кај невакцинираните е драстично поголема, покажува анализата. Во период од 6.08 до 30.09.2021 на територија на државата починале 1162 лица со Ковид 19, 987 пациенти од починатите не биле вакцинирани, а само 15% примиле вакцина.
ЛОКАЛНИ ИЗБОРИ
(ВИДЕО) Заев од Гевгелија: Стари режимски кадри и нова иднина не одат заедно, Мицкоски сонува и зборува само за минатото. Додека не се реформира, ВМРО-ДПМНЕ не може да ја добие довербата од граѓаните на кои било избори“ посочи премиерот Зоран Заев додавајќи дека во меѓувреме, СДСМ го продолжува развојот на домашен план со проекти на домашен план, во општините и натамошно интегрирање на државата на меѓународен план.
Шилегов: Со изградбата на бул. Борис Трајковски, Драчево конечно добива брза врска со градот. Град Скопје продолжува да ја развива градската улична мрежа во исто време со мрежите на велосипедски и пешачки патеки, на начин што ќе обезбеди одржлива урбана мобилност која подразбира безбеден и ефикасен сообраќај, се вели во соопштението на Град Скопје.
СВЕТ
Пожар во болница во романскиот град Констанца, има загинати.
Јапонија целосно ја укина вонредната состојба поради вирусот. Премиерот во заминување Јошихиде Суга им се заблагодари на луѓето за трпението и соработката и ги повика да се придржуваат до основните антивирусни мерки.
И. Т. З.
