Мицкоски заборави кој ја изгради „фамозната“ Бела палата, па обвинува дека другите градат скапи објекти…Ќе се реши проблемот со Бугарија низ дијалог и разговори, смета премиерот Заев… Бесплатниот јавен превоз со 250 еко-автобуси на Данела Арсовска е како „милијардата на Циле“, никогаш нема да стигнат…Изборна програма на Зелен Хуман Град…
ПОЛИТИКА
Пендаровски за „То Вима“: Решението на приговорите на Бугарија треба да е усогласено со Договорот за пријателство и соработка. Претседателот Пендаровски, за бугарското вето и ЕУ перспективата, коментира дека „за жал ситуацијата нѐ спречува да започнеме пристапни преговори“, иако земјата веќе ги има исполнето сите предуслови.
Заев: Низ разговор, низ дијалог да се изнајдат решенијата со Бугарија. Одговарајќи на новинарско прашање, Заев рече дека в среда во Словенија ќе имаат состанок со претседателот Радев, со високите претставници на ЕУ, со премиерот Јанша. Посочи дека на Самитот ќе бидат присутни еврокмесарот за проширување Вархеји, канцеларката Меркел, претседателот Макрон.
Никола Наумоски до Данела Арсовска: Бесплатен јавен превоз со 250 еко-автобуси е како „милијардата на Циле“. „Милијардата на Циле“ требаше да дојде од Тајван по признавањето, но никогаш не пристигна, а на Македонија ѝ се случи големата политичка и безбедносна криза во 2001 година“ – пишува Никола Наумоски во колумната „Бесплатен превоз на жедни преку вода“ објавена во „Слободен печат“.
СДСМ контра Арсовска: На Скопје му недостига зеленилото што го уништи ВМРО-ДПМНЕ, а Шилегов успешно го враќа.
Кандидатот за градоначалник на Центар од редовите на СДСМ, Горан Герасимовски, вети нова сала за „Работнички“ и континуирано опремување на училишните спортски сали. Општина Центар ќе ја продолжи финансиската помош на кошаркарскиот клуб „Работнички“ кој неколку години наназад го помага со 15.000.000 денари.
ИЗБОРЕН РАПОРТ #7: Како да не постојат протоколи за заштита од КОВИД-19, продолжуваат политичките злоупотреби на децата и црната кампања. Од почетокот на изборната кампања, Изборен рапорт се емитува во живо секој ден околу 11 часот на Фејсбук страницата и Јутуб каналот на ЦИВИЛ.
МВР: За 73 % намален бројот на жртви на сообраќајниците во септември 2021. Според претседателката на РСБСП Гордана Кожуваровска, во септември 2021 има четири жртви во сообраќајни несреќи, а во септември минатата 2020 година имало 15. Евидентно е дека кампањите што заеднички ги спроведуваат РСБСП и МВР даваат резултати.
СПОРТ
Шилегов: Скопје покажува дека е европска метропола, голем домаќин и професионален организатор на спектакл како маратонот.
Поп Арсова и Ивановски победија на Скопскиот маратон со нови државни рекорди. Вторите места ги освоија Силвија Јукаила од Еквадор и Младен Стевановиќ од БиХ, додека како третопласирани завршија Билјана Кираџиева и Германецот Давид Перлич.
И. Т. З.
