Гази Баба долги години беше запоставувана од нашите претходници, но сега таа неправда ја исправаме, порача од партиската трибина на СДСМ, кандидатот за градоначалник Петре Шилегов. Тој кажа дека неговите претходници заборавиле на луѓето и заборавиле нема поважни од граѓаните, а наспроти тоа на метар квадратен биле вложени 700 милиони евра во стиропор, барок и споменици.
-Секој човек во Скопје е важен, а за само четири години во Гази Баба вложивме колку што не било вложувано со децении. Ќе има нов булевар АСНОМ во Ќерамидница, а мостот и булеварот се градат и покрај блокадите на опозицијата, кажа Шилегов.
Тој додаде дека во Гази Баба успеал да го поправи и булеварот пред куќата на Коце Трајановски.
-За само 30 дена видовте како се работеше на булеварот „Александар Македонски“, ја завршивме и „Благоја Стефковски“, а започнуваме напролет и со целосна реконструкција на „Перо Наков“, истакна Шилегов.
Скопје ќе биде град без шалтери, каде младите ќе се на прво место
Младите мора да останат во Скопје и затоа во нив постојано ќе вложуваме, порача кандидатот за градоначалник Петре Шилегов на трибината на СДСМ во Гази Баба. Тој кажа дека актуелната локална власт работи домаќински и веќе се заштедени пари кои се пренаменуваат за значајни цели.
-Веќе светат новите ЛЕД-сијалици и заштедуваме 1,3 милиони евра годишно откако ги заменивме старите. Заштедата ќе ја трошиме за Скопјани, така што ќе надоместуваме 50% од надоместокот за запишување деца во градинки и за оброк во основните училишта, кажа Шилегов.
Тој потсети дека трите средни градски училишта во Гази Баба се целосно реконструирани, расчистени се депониите, направени се велосипедски патеки, а подигнати се и нови паркови.
-Затоа велам дека Скопје денес е многу поинаква приказна од претходно. Скопје ќе биде прв главен град во регионот што ќе биде целосно дигитализиран и нема да има повеќе шалтери, се што може ќе биде направено преку мобилен, заклучи Шилегов.
