пишува: ЈАНЕ ЃОРЃИОСКИ
Активисти од Левица без трунка почит кон државниот празник 11 Октомври, со намера да предизвикаат инцидент пред спомен меморијалниот комплекс „Могилата на непобедените“ во Прилеп, кога владината а и другите делегации, здруженија и граѓани положуваа цвеќе во чест на загинатите, на одбележувањето на 80-годишнината од Денот на востанието.
Единаесете пиуни инструирани од Апасиев од кои некои засрамени и со наведнати глави за да не им се видат ликовите, се обидоа да ја сквернават борбата на народните херои и прилепските борци во НОБ, за време на оддавањето почит и чест на хероите, само за да привлечат внимание кон сопствената партија.
Со црни маици, со рацете во џебови, со запалени цигари, со мобилни телефони пред спомен обележјето од загинатите во НОВ, гревовите од Апасиев кои се претставуваат како Левица, направија гнасен упад во одбележувањето на празникот и се обидоа да предизвикаат инцидент.
Добро забележа Трајаноски:
„Партизаните не носеле црни кошули, тие се бореле против „црнокошуљашите“ – паравоени формации на фашистите на Мусолини кои се изживувале врз сите неистомисленици, најмногу врз социјалистите. Тие што одбрале црни кошули и маици како нивни симболи, немаат никаква врска ниту со антифашизмот, ниту со социјализмот – освен со варијантата позната како национал социјализам“.
Тие да имаа малку сенс, ќе се повлечеа кога оддаваше почит делегацијата од Сојузот на борците. Не отстапија ни кога положуваа цвеќе и роднини и поколенија од загинатите 650 прилепчани.
Левица си фрли самата на себе анатема во Прилеп, срам и арам да им е велат прилепчани, за единаесетмината непрокопсаници.
Овој празник за прилепчани без разлика на партиска определба има посебно значење и традиција. Никогаш до сега достоинството на политичките чинители, па колку и да било тоа партиски антагонистично не дозволувало да се провне макар и мало сквернавење на овој ден кога се слави антифашистичкото востание во Македонија.
Прилепчани нема никогаш да им го заборават овој гнасен чин на Апасиев и неговите пиуни.
Срам да им е!
Текстот е личен став на авторот.
