Предизборните кампањи се демократска екстраваганција во која секому му е дозволено да тропа што ќе му текне, пишува Орданоски во денешната колумна. Левица не се црнокошулаши, туку црноподнокташи, коментира Тричкоски. За Европската Комисија бугарските пасоши за македонски граѓани не се проблем.
ФРОНТ И РЕНДГЕН
Во „новата иднина“ со најстарите закани. Предизборните кампањи се демократска екстраваганција во која секому му е дозволено да тропа што ќе му текне. Особено се трогателни оние што ги изгубија претходните избори (а и уште неколку пред нив), бидејќи „новата иднина“ (?!) што масовно се ветува по предизборните митинзи многу наликува на „дрвеното железо“ од „старото минато“ што предобро го памтиме, пишува во најновата колумна Сашо Орданоски.
ЛОКАЛНИ ИЗБОРИ 2021
Неполна недела до изборите, кандидатите во трка да ги освојат гласовите на граѓаните. оалицијата предводена од СДСМ ќе одржи Кратово, Ранковце и Крива Паланка, додека коалицијата преводена од ВМРО-ДПМНЕ ќе има митинг во Скопје. Во Скопје митинг ќе одржи и „Левица“, а коалицијата ДОМ и ЛДП ќе се претстават во Ѓорче Петров. Предизборната програма во Желино ќе ја претстави „Беса“.
Заев: Никогаш повеќе маскиран фашизам во режим. Нашето место е во Европа бидејќи европската идеја е најпрогресивната политичка идеја, посочи премиерот Зоран Заев. Тој рече дека реализацијата на ова мисија има ризици, пречките не се само однадвор туку и од внатре.
Шилегов од Карпош: Скопје стана град на сите и секој човек за мене е над политиката. Мостот кај „Љубљанска“ е еден од двата моста кои ќе го растеретат сообраќајот. Едниот во Аеродром е при крај и со овој мост ќе стасаме до Бардовци во првата фаза, а потоа и до Визбегово, заклучи Шилегов.
Заев: Задоволство е кога ќе ги поминете сите 650 села и сите 34 градови заедно со Скопје и ќе видите реализирани голем број проекти. Заев најави повеќе пари за општините од идната година за да можат да реализираат повеќе проекти.
Герасимовски: Ќе ги донесеме сите ДУП-ови за да го заштитиме јавниот простор. Знам дека јавната хигиена е проблем. Со сите сили и нова организација за силна комунална служба ќе имаме почисти маала, улици и паркови. Ова е мој топ приоритет“, рече Герасимовски во Капиштец.
ПОЛИТИКА
За Европската Комисија бугарските пасоши за македонски граѓани не се проблем. МИА побара одговор од Европската Комисија откако бугарскиот претседател Румен Радев се повика на македонските граѓани со бугарски пасош и се произнесе за неговите очекувања за исходот од пописот во Северна Македонија.
ПАНДЕМИЈА
Целосно вакцинирано 35 % од населението, 38 отсто со една доза. Резултатите од нова француска студија покажуваат дека вакцинацијата против Ковид-19 го намалува ризикот од хоспитализација и смрт за 90 проценти кај луѓето постари од 50 години и се чини дека е ефикасна против Делта варијантата на вирусот.
