Управувањето со Градот Скопје не е список на желби туку план и добра стратегија, не сметам дека е ароганција ако им покажам на голем дел од кандидатите дека немаат познавање за проблематиката и за решавање на проблемите на градот Скопје, рече кандидатот и градоначалник на Град Скопје на дебатата на МТВ.
– Во однос на заштитата на животната средина презедовме сериозни чекори, ја вративме Дрисла во владание на градот и со тоа ќе решиме проблем со отпадот, Депонијата Вардариште исто така ја расчистивме, но потребна е инфраструктура за промена на начинот на греење и на тој начин ќе овозможиме почист воздух, исто така ќе имаме почист воздух со бас рапид транзитот кој е во рамки на проектите, појасни Шилегов.
Тој дополни дека на депонијата Вардариште не влегуваат тешки возила и тие не се проблем бидејќи тие не палат кабли и друг отпад.
– Мора да се заштити почвата, атмосферските води да не влезат во Вардар, не во прашање само студија туку и цел проект и елаборати, потребна е сума поголема од 6 милиони евра за да го затвориме Вардариште така како што треба, појасни тој.
Шилегов рече дека за добро спроведени проекти потребен е план и добра стратегија и организирање на ситеми од урбани транспорт, мостои и сл. не се носат со брзи одлуки, мора добро да се испланираат за да се имплементираат.
Д. Е.
