Нема можност за „брзи избори“ во Македонија, бидејќи и „најбрзите“ би биле некаде за време на идната пролет, пишува Орданоски.Ќе се направат сите напори да има доволно електрична енергија и да се ублажи ценовниот ефект, најави Бесими. Клукајдрвците „инфлуенсери“ на протест пред белата палата. Обвинет во предметот „Шпански скали“ стана претседател на Советот на Аеродром. Старо-новиот градоначалник на Карпош во петок на суд
ПОЛИТИКА, ЕКОНОМИЈА, ПАНДЕМИЈА
Владините партнери го потврдија стабилното парламентарно мнозинство и се против оставката на Заев. На средбата заеднички е констатирано дека не се потребни предвремени парламентарни избори, бидејќи тие единствено би ја втурнале земјата во политичка, економска, општествена и безбедносна криза, но исто така ќе ги закочат и процесите на европски интеграции.
Стејт департмент: Ги следиме случувањата во Северна Македонија, соработката со Владата продолжува. Во изјавата се нагласува дека „САД ја сметаат Северна Македонија како доверлив и ценет партнер во регионот, и со нетрпение очекуваат да продолжи соработката со Владата на Северна Македонија во областите од заеднички интерес додека го продолжува напредокот што го постигна кон евроатлантската интеграција“.
На барањето на Наставничкиот пленум за зголемување на платите на сите вработени во образованието за 20 отсто од почетокот на идната година, Министертството за образование и наука одговори барањето да биде упатено до пратениците во Собранието каде, како што наведува во соопштение, со месеци е заглавен предлог-законот со кој се обезбедува континуиран раст на платите на наставниците. За жал, овој закон со кој се унапредуваат наставничките права e блокиран од пратениците на ВМРО-ДПМНЕ.
Европската комисија се воздржува од коментар за најавата на премиерот Зоран Заев дека поднесува оставка, поради резултатите на локалните избори, јави дописничката на МИА од Брисел. МИА побара реакција за оставката на премиерот Заев, но од Европската комисија кусо прокоментираа дека земјата „треба да продолжи со реформите за ЕУ“, без повеќе детали.
Не е точно дека планот на премиерот е да ја одолговлекува оставката до декември, брифираат од Кабинетот на Зоран Заев.
Според проекциите за вработеноста, стапката на учество на вработените во вкупното население до 2027 година ќе се зголеми на 60 проценти, додека стапката на невработеност ќе опадне на 11 проценти за работоспособното население.
Каракачанов: Не можеме а да не бидеме загрижени за победата на ВМРО-ДПМНЕ на локалните избори. Тоа се оние кои зборуваа за потребата од раскинување на договорот, за обновувањето на натписите на спомениците кои ја карактеризираат нашата земја како фашистички окупатор и кои повикаа на општа дипломатска офанзива на ЕУ против Бугарија, изјави Каракачанов.
Американската амбасада известува дека македонскиот претседател Стево Пендаровски, имал кратка средба со американскиот претседател Џо Бајден, во Глазгов каде што се одржува 26-та конференција на ОН за климатски промени „COP 26“.
Според проекциите за вработеноста, стапката на учество на вработените во вкупното население до 2027 година ќе се зголеми на 60 проценти, додека стапката на невработеност ќе опадне на 11 проценти за работоспособното население.
Во „Кратки нозе“, откриваме дезинформации за купување гласови во Струга од страна на министерот Јетон Шаќири. Ви откриваме и невистини за електронско гласање во земјава, како за тоа која е прва-жена градоначалник на Скопје.
Луѓето со одредени гени и карактеристики на крвната слика речиси не се заразуваат со коронавирус, открија руски научници во посебна студија. Водач на студијата е директорот на Истражувачкиот институт за епидемиологија и микробиологија Пастер во Русија, Арег Тотолијан, кој е и член на Руската академија на науките.
Сите ние како политичари правиме слика во општеството дека изборите се нешто фатално, истакна градоначалникот на Валандово од СДСМ, Перо Костадинов во гостувањето на Топ тема, додавајќи дека народот на изборите покажал дека му е „преку глава од се“ и ниедна политичка партија нема зголемување на гласовите.
Од Институтот за јавно здравје информираат дека во текот на мината недела вкупно се пријавени 38 реинфекции, зголемување од 5,6% во однос на претходната недела. Од почетокот на пандемијата до 31.октомври вкупно се регистрирани 734 лица кои што по втор пат станале позитивни на ковид-19.
СКАНДАЛ
Обвинет во предметот ,,Шпански скали” стана претседател на Советот на Аеродром. Заедно со Миле Јанакиески и уште 9 други лица се товарат дека со незаконската продажба на парцелите пред зградата на ЕВН на плоштадот во Скопје, ја оштетиле државата за 2,6 милиони евра.
ЛАЖНИ ВЕСТИ
Во видеото споделено во постот, шведскиот лекар д-р Енби, кому му била одземена медицинската лиценца во 2007 година, прикажува фотографии на својот компјутер за кои тврди дека се микроскопски приказ на вакцината „Фајзер“, а честичките што се движат на екранот, наводно, се живи микроорганизми. Д-р Амеш Адаља, виш научник во Центарот за здравствена безбедност „Џон Хопкинс“, е категоричен дека не е можно вакцините да содржат живи паразитски агенси, пишува „Вистиномер“.
В.К
