Претседателот на Европскиот суд за човекови права Роберт Спано вели дека во македоското судство има добри реформи. Нови шест пратеници во Собранието, откако неколкумина народни избраници станаа градоначалници. Зачувувањето на парламентарното мнозинство е волја на сите коалициски партнери, вели Маричиќ. Сугарески поднесе оставка од партиските функции. Колумна на Сашо Орданоски: Каде оди овој брод? „СОР26“ – укинување на јагленот не го поддржаа Австралија, Индија, САД и Кина.
ПОЛИТИКА, ПРАВДА, ПАНДЕМИЈА
Собранието денеска на пленарна седница треба да ги верификува мандатите на новите пратеници откако неколкумина народни избраници станаа градоначалници на локалните избори што завршија во неделата.
Горан Герасимовски ја презеде функцијата градоначалник на општина Центар. Вчера досегашниот градоначалник Саша Богдановиќ му ја предаде канцеларијата со детални информации за проектите во тек.
Сугарески поднесе оставка од функцијата претседател на Надзорниот одбор на СДСМ, во знак на морална одговорност за неуспехот на локалните избори, како на локално така и на централно ниво.
Еден од позитивните развојни текови кога станува збор за македонското судство е тоа што имаат добри реформи, посебно Врховниот суд и апелациските судови кога станува збор за прашањето за ограничување на максималното траење на постапките, рече претседателот на Европскиот суд за човекови права Роберт Спано.
Министерот за одбрана на Албанија, Нико Пелеши престојува во официјална посета на Северна Македонија.
Приоритет ни е да се зачува парламентарното мнозинство бидејќи тоа е и волја на сите коалициони партнери и секако, да ја најдеме најдобрата формула како да продолжи да функционира Владата во овој момент, бидејќи има расположение, има одлука да се продолжи, а да нема избори во овој момент, вели министерот за правда, Бојан Марчиќ.
Бројот на активни ковид случаи во државава изнесува 7.275 од кои најголем број 3.508 се во Скопје. Во Куманово има 424 активни случаи, во Битола 358, во Прилеп 336, во Велес 335, во Кавадарци 281, во Штип 236, во Кочани 198, во Охрид 191, во Тетово 170.
Колумна на Сашо Орданоски: Каде оди овој брод? После сите првични возбудувања и шокови од оставките на Зоран Заев, курсот на процесот за владината консолидација сѐ појасно се наѕира. Името на „пилотот во авионот“ ќе треба да се знае до средината на идната недела
РЕНДГЕН: Крпење
ЗЕЛЕНА, СЦЕНА, КУЛТУРА
Денешниот ден (5 ноември) е посветен на младите во рамки на Конференцијата за климатски промени на ОН „СОР26“, кој се одржува во Глазгов, Обединетото Кралство.
Самитот „COP26“ се обидува да најде начин да се постигне целта за ограничување на глобалното зголемување на температурата на 1,5 степени Целзиусови во однос на прединдустриските нивоа. Ветувањето за укинување на јагленот не го поддржаа Австралија, Индија, САД и Кина, кои поседуваат повеќе од половина од сите термоелектрани во светот, а планираат да изградат повеќе.
Легендарната шведска поп-група „АББА“ денеска се враќа на музичката сцена со објавувањето на новиот албум „Voyage“, по речиси 40 години од првото распуштање на познатиот состав.
Со концерт на Националниот ансамбл „Танец“ и Влатко Стефановски вечер ќе биде отворено 22. издание на традиционалната манифестација „Есенски музички свечености“ 2021.
Вил Смит на 9 ноември ќе ги објави своите мемоари, а јавноста веќе неколкупати беше изненадена со делови кои досега се објавени. Меѓу другото, тој пишува и дека размислувал да го убие својот татко поради семејното насилство.
Ј. Ѓ.
