Доктор Александар Петличковски е нов претседател на Комисијата за заразни болести, потврдија за МИА од Министерството за здравство.
Тој е директор на Институт за имунологија, каде се вршат тестирања, анализи и истражувања поврзани со реакцијата на анти-тела на оздравените, како и за соевите на коронавирусот.
Доктор Злате Мехмедовиќ е назначен за лице надлежно за односи со јавноста во име на комисијата.
Досегашен претседател на Комисијата за заразни болести беше доктор Жарко Караџовски.
