Манијакална желба на Кремљ да ги задржи Украинците во својата сфера на влијание води до спротивен резултат. Неодамнешните истражувања покажуваат дека поддршката за пристапување на Украина во НАТО и ЕУ порасна: 62% од Украинците поддржуваат пристапување на Украина во НАТО, 68% поддржуваат пристапување во ЕУ, објави Центарот за стратешки комуникации и информациска безбедност при Министерството за култура и информатичка политика на Украина на Твитер.
Кремљ лажно ги прикажува државите од ЕУ како поделени, слаби и незаинтересирани за Украина, но европските граѓани се обединети и тие се согласуваат дека Русија е агресорот и дека Европа, заедно со нејзините партнери од НАТО, треба да #Застане со Украина, објави украинскиот Центар за стратешки комуникации.
Податоците од истражувањето што ги објави Гардијан, сугерираат на геополитичко будење во Европа“, рече Марк Леонард, директор на Европскиот совет за надворешни односи (ЕЦФР), кој го спроведе истражувањето во седум земји, што претставува две третини од населението на ЕУ. Повеќе од 60 отсто од анкетираните веруваат дека НАТО треба да ја одбрани Украина доколку Русија изврши инвазија.
Мнозинството анкетирани во Европа мислат дека Русија ќе ја нападне Украина во 2022 година и веруваат дека НАТО и ЕУ треба да застанат на страната на Киев, покажува студијата чии автори сугерираат дека кризата може драматично да го промени начинот на кој Европејците гледаат на нивната безбедност.
Во Финска има најмал провент испитаници 44% кои веруваат дека Русија ќе ја нападне Украина огодинава, додека кај останатите, 51% од испитаниците во Франција и Италија, 52% во Германија, 55% во Шведска, 64% Романија и 73% од оние во Полска изјавија дека сметаат дека руската инвазија веројатно ќе се случи оваа година.
Мнозинството во сите седум земји на ЕУ го гледаа НАТО и неговите 30 земји-членки како главни бранители на украинскиот суверенитет, но исто така јасно почувствуваа дека ЕУ има силна одговорност да излезе во одбрана на Украина во случај на руска агресија.
Анкетата, спроведена кон крајот на јануари покажува дека во Финска, 56% од испитаниците сметаат дека ЕУ ќе биде добро позиционирана да и помогне на Украина, а 59% мислат дека НАТО ќе ѝ помогне. Кај останатите, бројките беа следни: 53% и 55% во Франција; 47% и 50% во Германија; 64% и 67% во Италија; 80% и 79% во Полска; 57% и 63% во Романија; и 61% и 64% во Шведска.
Студијата, исто така, покажува дека Европејците се подготвени да прифатат значителни, потенцијално долгорочни закани како резултат на одбраната на Украина, вклучително и можното пристигнување на голем број бегалци, повисоки трошоци за енергија, економска принуда, сајбер-напади и закана од руска воена акција. .
Испитаниците во Полска, Романија и Шведска беа порасположени да кажат дека за давањето помош на Украина „вреди да се ризикува“ осо сите овие можни последици, при што 53% од анкетираните во Полска рекоа дека поддршката на Украина вреди дури и да се ризикува воена акција насочена кон нивната земја.
Мнозинството во сите земји, освен Шведска (47%) рекоа дека енергетската зависност е најголемиот предизвик, покрајодносот на Русија кон Украина, став кој беше најизразен во Полска (77%).
Путин може ќе биде изненаден кога ќе види дека многу Европејци „гледаат на уште една руска инвазија на Украина како напад не само на соседна земја, туку и на самиот европски безбедносен поредок“, заклучуваат авторите.
-И зачудувачки е што толку многу испитаници – од север, југ, исток и запад – мислат дека овој поредок треба да се заштити“. Со оглед на тоа што некои очигледно се помалку подготвени да ги поднесат трошоците од другите, „начинот на кој Европејците ќе се справуваат во следните неколку недели ќе биде клучен за иднината на европската безбедност“, велат тиавторите на истражувањето.