Кина сигнализира дека е подготвена да учествува во напорите за прекин на огнот во Украина, и дека жали за избувнувањето на конфликтот, пренесува Фајненшл тајмс
Пекинг вели дека е „екстремно загрижен за штетата врз цивилите“ изјавата доаѓа по телефонскиот разговор меѓу кинескиот министер за надворешни работи Ванг Ји и неговиот украински колега Дмитро Кулеба.
„Украина е подготвена да ја зајакне комуникацијата со Кина и со нетрпение очекува Кина да ја одигра својата улога во напорите за прекин на огнот“, се вели во кинеското соопштение од денеска.
Се додава дека Кина го почитува „територијалниот интегритет на сите земји“, без да укаже дали Пекинг го прифаќа барањето на Русија за полуостровот Крим или го дели нејзиното признавање на сепаратистите во регионот Донбас во источна Украина.
Оваа соопштение ознаува промена на тонот од страна на Пекинг. Запрашан на 24 февруари дали инвазијата претставува кршење на суверенитетот на Украина, портпаролот на Министерството за надворешни работи на Пекинг ја карактеризира ситуацијата како резултат на „комбинација на фактори“, но не ја опиша како повреда напад врз суверена држава.
Во деновите пред почетокот на борбите, портпаролот исто така ги опиша САД како „виновник“ за украинската криза, „зголемувајќи ги тензиите и создавајќи паника”
Минатиот петок, Кина им се придружи на Обединетите Арапски Емирати и Индија во воздржувањето на резолуцијата на ОН за осуда на руската инвазија на Украина, која беше поддржана од 87 други земји. Москва стави вето на резолуцијата.
На Зимските олимписки игри минатиот месец, рускиот претседател Владимир Путин се сретна со својот кинески колега Си Џинпинг и изјави дека пријателството меѓу нивните земји „нема граници“ и дека нема забранети области на соработка.
Некои аналитичари велат дека Кина се обидува да се позиционира како регионален миротворец, користејќи ги своите блиски врски со Кремљ.
Пекинг ги повтори претходните повици до двете страни да најдат решение преку меѓународни преговори, но продолжи да ја критикува НАТО, велејќи дека „регионалната безбедност не може да се постигне со проширување на воените блокови“.
Во изјавата, Кулеба рече дека „го замолил Ванг Ји да го искористи нивото на односите меѓу Пекинг и Москва за да ја принуди Русија да престане со својата вооружена агресија против украинскиот народ“.
Кулеба рече дека неговиот кинески колега го уверил „за подготвеноста на Кина да вложи максимални напори за завршување на војната на украинска територија преку дипломатија, вклучително и како постојана членка на Советот за безбедност на ОН“.
Ванг, исто така и се „заблагодари“ на Украина за нејзината улога во олеснувањето на евакуацијата на кинеските граѓани од земјата, вклучително и студентите кои беа преместени во Узбекистан.
В.К
