Претставниците на руската делегација на разговорите ги негираат обвинувањата за убиства на украински цивили од страна на руската армија. Згора на тоа, тие тврдат дека злосторствата во Буча се „инсценирани од холивудски актери“, објави Обозревател.
Михаил Подољак, советник на шефот на Кабинетот на претседателот на Украина, зборуваше за ова во етерот на каналот Current Time. Според него, руските преговарачи убиството на педесет луѓе во Краматорск го препишале на „нацисти“, кои наводно биле „поставени“ од украинските власти.
„Кога ќе им ги поставите овие прашања за време на преговорите: „Видете, убивате цивили во Буча, тие ги креваат очите и отворено велат: „Буча е продукција на холивудски актери“ или „Краматорск – вие ги поставивте нацистите што пукаа врз цивилите“, рече Подољак.
Советникот на шефот на претседателскиот кабинет додаде дека нема рационалност во ставот на Русите и дека е невозможно да се расправа со нив.
Покрај тоа, Подољак истакна дека однесувањето на Руската Федерација спрема Украина во однос на пропаганда, војување, масовно силување, убиства на цивили и уништување на инфраструктурата „потполно е идентично со нападот на нацистичка Германија врз земјите од Европа.
„Ми се чини дека постоењето на таков термин како руски нацизам наскоро ќе биде официјално признаено, бидејќи нивното однесување е апсолутно нечовечко, нехумано. Тие не се борат против армијата, тие се борат против цивили, а во исто време се борат на најживотински, богохулни начини“, рече Михаил Подољак.
Окупаторите извршија ракетен напад на железничката станица во Краматорск: 52 лица загинаа, 109 се повредени.
Тој додаде дека вооружените сили на Руската Федерација го користат „целиот опсег на неверојатно одвратни начини да убиваат луѓе“.
Во тој поглед, Украина треба да почека „некое кратко време“ кога терминот „руски нацизам во 21 век“ официјално ќе се користи во меѓународната правна практика, смета Подољак.
Како што објави ОБОЗРЕВАТЕЛ, руските напаѓачи лансирале две ракети на железничката станица во Краматорск во моментот на евакуација на илјадници цивили. Загинаа 52 лица, а уште стотина беа повредени.
Пропагандистите на Кремљ однапред го навестија гранатирањето на Краматорск. Веднаш по трагедијата руските медиуми најавија удар на руските војници, но кога се дозна за жртви меѓу цивилното население, тие почнаа да ги чистат пораките.
Потсетуваме, исто така, дека германското разузнавање пресретна радио пораки од руските напаѓачи кои разговараа за убиствата на цивили во Буча.
превод: Жорж Димовски
