Претседателот на Собранието Талат Џафери, потпретседателот на Собранието Горан Мисовски и координаторите на пратеничките групи од денеска до понеделник ќе го разгледуваат последниот предлог Деловник по одржаниот трет дијалог „Жан Моне“ во законодавниот дом.
Како што информира собраниската прес-служба, усогласениот предлог потоа на следниот „Жан Моне“ дијалог ќе се разгледува во полн состав на работната група за учество на дијалогот „Жан Моне“ и европратениците.
Работниот викенд ќе се реализира во Маврово, ќе се почитува концептот на дијалогот „Жан Моне“ и ќе биде без присуство на медиумите.
-По работниот викенд, ќе биде доставено соопштение од страна на Службата на Собранието до сите медиуми со информација за постигнатото, информираат од набинетот на Талат Џафери.
