Многумина од нас биле, се или ќе бидат студенти, а имало и предавања на кои не сакавме да присуствуваме. Но, сите студенти одат на предавања кај професорот на Универзитетот Ужхород, Фјодор Шандор, пренесува novy.tv.
Познатиот историчар успева да држи предавања за туризмот дури и во паузите меѓу борбените смени во вооружените сили.
Приказната за храбриот професор ја раскажа zaxid.net, а ние сакаме да ја прошириме за повеќе луѓе да знаат за храброста на украинските бранители со вистински примери. Професорот на Националниот универзитет Ужхород, експерт за туризам, Фјодор Шандор од првите денови на војната се приклучи на територијалната одбрана на Закарпатие
„За време на паузата меѓу борбите, професорот на Националниот универзитет во Ужхород, Фјодор Шандор, им држи предавање за туризмот на своите студенти. Како и во мирниот живот, Шандор постојано е во движење, во врска со активните Закарпатци кои и помагаат на Украинската војска. Па, предавањата за студентите се свети, не треба да се пропуштат“, напиша Виктор Шчадеи, кој служи со Фјодор Шандор во истиот оддел. Во коментар за Медиумскиот центар на националниот универзитет Ужхород, професорот рече дека се договорил со неговата команда и колегите дека распоредот на неговите борбени задачи ќе му овозможи да држи предавања наутро.
„Во војска сум 70 дена. Отидов во воената канцеларија за регистрација и упис веднаш по лекциите на 24 февруари. Но, не се откажувам од часовите со студенти. Секој понеделник и вторник држам предавања во 8 часот наутро – не пропуштив ниту едно. Секогаш претпочитам утрински часови: предавам, а потоа имам време за друга работа. Сега држам теоретска настава по туризам за студенти на Факултетот за општествени науки, и дипломирани студенти кои работат на семинари“, рече Фјодор Шандор.
Според професорот, борбеното дежурство трае еден ден и треба да бидете на позиција четири часа. „Кога имам предавања, се менувам навечер, а веднаш по смената наутро држам предавања. Покрај тоа, во другите денови се занимавам со уредување на околината, копам ровови и слично. Секогаш држам предавања со облечен панцир. Скоро имаше гранатирање и со студентите ги анализиравме некои теми. Само го стегнав панцирот и продолжив да држам предавање“, додаде професорот…
Превод: Жорж Димовски
