Интересни вести доаѓаат од Англија. Наводите ги лансирал поранешниот англиски репрезентативец Мика Ричардс, денес во улога на професионален консултант и фудбалски стручњак. Поранешен играч на Манчестер Сити и Астон Вила, директни ривали во последното коло од Премиер лигата.
Ричардс тврди дека доколку Манчестер Сити ја освои титулата во недела, Астон Вила ќе добие 15 милиони фунти на име на клаузулата од договорот склучен меѓу овие два клуба, кога минатото лето капитенот и најдобар играч на тимот од Бирмингем, Џек Грилиш, му се приклучи на Пеп Гвардиола, пишува Спорт клуб.
Трансферот официјално изнесуваше 100 милиони фунти (околу 117 милиони евра), но договорот содржеше и бројни клаузули, меѓу кои наводно и оваа е за освојување на титулата.
Официјална потврда нема, веројатно нема ни да има, но има логика дека нешто е потпишано. Прашање е и дали е точна бројката од 15 милиони фунти. Некои извори споменуваат помали, некои уште многу поголеми бројки, во зависност од временскиот период и бројот на освоени трофеи.
When people say Villa won’t beat City because of a £15M add on in the Jack Grealish deal ?
It was a release clause. ? pic.twitter.com/1cP5CZKxsn
— RayRay LFC (@RayRay_LFC) May 18, 2022
Немаше да има ништо спорно ако судбината не сакаше токму Манчестер Сити и Астон Вила да бидат директни ривали на теренот во последното коло, кога се решава титулата.
Претходните денови многумина го споменуваа менаџерот на Астон Вила, Стивен Џерард поради неговата приврзаност на Ливерпул, каде што сè уште е вистинска легенда. Навивачите на „црвените“ очекуваат Стиви Џи да се обиде да ги мотивира играчите на Астон Вила и да му помогне на неговиот омилен клуб. Меѓу тие играчи се поранешните фудбалери на Ливерпул, бразилецот Кутињо и Дени Ингс.
Сепак, на спротивната страна е Џек Грилш. Се чини дека адутот на Манчестер Сити е многу поголем. Дали приказната за клаузулата е вистинита не е потврдено. Но, сигурно Грилиш ќе има голем мотив да се покаже пред навивачите во последното коло, чиј миленик беше до неодамна.
Кога Грилиш беше запрашан да го коментира фактот дека Сити ќе го одигра решавачкиот меч за титулата против неговиот поранешен клуб, тој со насмевка одговори:
„Тоа мораше да биде против Астон Вила, нели?
“It just had to be against Aston Villa, didn’t it?” ?
Jack Grealish looks ahead to Manchester City’s final game where they could seal the Premier League title against his former club Aston Villa ?pic.twitter.com/OAO12zyz8V
— Sky Sports News (@SkySportsNews) May 15, 2022
Во секој случај, вистинска навивачка драма се очекува во недела кога на „Етихад“ и „Енфилд“ стартуваат натпреварите меѓу Манчестер Сити и Астон Вила, односно Ливерпул и Вулверхемптон.
