Потребни се вистински емоции за да се инспирира навистина трогателна љубовна песна. Затоа некои од најдобрите се напишани за вистински луѓе и вистински врски. Познавањето на приказната зад нив само ја зголемува нивната потресност, пишува Би-Би-Си.
„Ewan MacColl – The First Time Ever I Saw Your Face“
Не може да се негира романсата на приказната за Иуан Мекол кој ја испеал оваа прекрасна песна по телефон на Пеги Сигер, дури и ако, во реалноста, тие не се снаоѓаале премногу добро во тоа време. Тие имале афера, но Иуан бил во брак и поминале години пред правилно да стапат во врска…
„Joan Baez – Diamonds and Rust“
Кон крајот на 1974 година, Боб Дилан и се јавил на својата стара девојка Џоан Баез од штанд некаде на американскиот среден запад и ги рецитирал стиховите од неговиот нов 9-минутен хит, „Lily, Rosemary and the Jack of Hearts“. Слушањето на овој дух од нејзиното минато ја инспирирало Баез да напише свое ремек дело за возврат; сеќавање со носталгија на живиот талент на Боб Дилан, неговото лошо мислење за нејзината поезија и нејзините чувства на љубовта и загубата.
„Bob Dylan – Sara“
Самиот Дилан напиша многу љубовни песни вредни за Нобелова награда. Главна меѓу нив беше „Sad Eyed Lady of The Lowlands“, и убавата пeсна за мистериозна жена со „очи како дим“. Оваа дама беше Сара Лондс, како што Дилан подоцна потврди во песната Сара, што претставува уште една класика за затворањето на албумот за љубовта на неговиот живот.
„The Beatles – Something“
Пети Бојд во својата автобиографија тврди дека нејзиниот сопруг Џорџ Харисон ѝ ја пеел оваа нежна химна на љубовта во нивната кујна и дека тој и кажал дека ја напишал за неа. Но, самиот Харисон велел дека се работи за богот Кришна. Во секој случај, тоа е една пеколна љубовна песна.
„Eric Clapton – Layla and Wonderful Tonight“
Ерик Клептон се вљубил во Пети Бојд додека таа сè уште била во брак со Џорџ Харисон. Резултатот беше Лејла, песна која го зема насловот од книга за забранета љубов, со едно од најголемите сола на гитара со на сите времиња и очајниот крик на Клептон: „Ме клекна на колена“.
„Fleetwood Mac – Rumours“
Од една страна, членовите на „Fleetwood Mac“ имаа заплеткани и несреќни љубовни животи во средината на 1970-тите. Од друга страна, од гневот и очајот излезе „Rumours“, еден од најголемите албуми на рок ерата. Линдзи Бакингем ја напиша „Go Your Own Way“ и „Second Hand News“.
„Nick Cave – Black Hair“
Жената со коса како мастило и црна како најдлабокото море е Пи Џеј Харви. Врската на Кејв со кантавторот била кратка, но имала огромно влијание. Исто така, ги инспирираше песните „West Country Girl“ и „Green Eyes“ на неговото ремек дело „The Boatman’s Call“ од 1997 година.
„Amy Winehouse – Back To Black“
Ејми Вајнхаус ја напиша својата најпозната песна откако нејзиното момче Блејк Филдер-Сивил ја остави. Овој пат „црното“ во насловот се однесува на раскинувањето на Ејми што ја довело до алкохол, депресија и хероин. Она што го прави ова оплакување за изгубената љубов уште потрагична, е прераната смрт на пејачката само неколку години подоцна.
„Taylor Swift – Out of the Woods“
Мистерија ја опкружува врската на Тејлор Свифт со Хари Стајлс, срцекршач од „One Direction“. Некои велат дека и го скршил срцето. Некои велат дека не и било грижа. Некои велат дека тоа не траело повеќе од еден месец. Но, речиси сите се согласуваат дека тоа ја инспирирало да ја напише оваа песна.
„Leonard Cohen – Marianne“
Леонард Коен ја запознал Маријана Илен на грчкиот остров Хидра во 1960 година. Тој рекол дека таа е најубавата жена што некогаш ја запознал и станале љубовници. Таа е сликана на задната страна на неговиот втор албум „Songs from a Room“ и исто така е тема на „Bird on the Wire“. Дополнително беше трогателно кога Коен напиша познато писмо за повторно да се збогува со неа, непосредно пред да умре, повеќе од половина век подоцна во 2016 година.
подготви: М. М.
