ЦИВИЛ денеска ги посети Тетово и Гостивар, каде во комуникација со граѓанките и граѓаните зборуваше за граѓанската акција против дезинформациите и порпагандата.
„Граѓанките и граѓаните на Гостивар искажуваат една сериозна недоверба во медиумите. Еден од граѓаните рече дека медиумите се само продолжена рака на политичарите и низа од коментарите покажуваат дека дезинформациите и пропагандата веќе се препознаени од граѓаните“, изјави на прес-конференцијата, претседателот на ЦИВИЛ, Џабир Дерала.
Во Тетово како дел од теренските активности одржа и прес-конференција на која се промовираше пректот „Зад димната завеса“ и заложбите во борбата против дезинформациите и пропагандата.
На прес-конференцијата претседателот на ЦИВИЛ, Џабир Дерала, зборуваше за заложбите на организацијата во борбата против дезинформациите и пропагандата, особено во контекст на руската агресија врз Украина. Исто така, Дерала зборуваше и за проектот за промоција на мултикултурализмот, како и за следењето на процесот на подготовка на Стратегијата „Едно општество за сите 2023-2025“, во чие креирање и ЦИВИЛ ќе даде свој придонес.
ЦИВИЛ оствари средба и со градоначалникот на Тетово, Билал Касами, а имаше средба и со претставници на граѓански организации и медиуми. На инфо-штандот на ЦИВИЛ граѓанките и граѓаните можеа да се запознаат подетално за заложбите на организацијата за промовирање на европските вредности, антинационализмот и мултикултурализмот.
Денешните активности во Гостивар и во Тетово, се дел од проектот „Зад димната завеса“ за медиумска и граѓанска акција против дезинформациите и пропагандата со фокус на странската, антизападна пропаганда преку мониторинг, анализи и обелоденување на дезинформациите и пропагандата за критични теми, како што е агресијата врз Украина, евроатлантските интеграции и други процеси од круцијално значење за нашата земја.
