Во Собранието се одржа средба на кооридинаторите на пратеничките групи на која присуствуваше и претседателот на Европскиот совет Шарл Мишел, jaвува МИА.
Претседателот на Парламентот Талат Џафери на Фејсбук објави дека посетата на Мишел во моменти во кои, како што вели, се прават значителни напори за деблокирање на процесот на евроинтеграции и за официјално отпочнување на преговорите на Република Северна Македонија за членство во ЕУ е особено важна, особено во фазата кога францускиот предлог влегува во собраниска процедура.
-Средбата со координаторите ја реализиравме денес и имавме можност од прва рака да слушнеме охрабрувачки пораки разјаснување на нејасностите, не оставајќи простор за лажни вести и дезинформации. Отворениот разговор меѓу политичките чинители во државата е клучен за донесување суштински важни одлуки, напиша Џафери на својот фејсбук-профил.
