„Секој ден и секоја вечер гледаме нови извештаи за експлозии на територијата која привремено ја окупираа окупаторите. Сега ги молам сите наши луѓе на Крим, во другите региони на југот на земјата, во окупираните области на Донбас и Харкивската област да бидат многу внимателни. Ве молиме, не одете во близина на воените објекти на руската армија и сите оние места каде што складираат муниција и опрема, каде што го чуваат својот штаб“, вели во своето обраќање украинскиот претседател Володимир Зеленски.
Тој нагласува дека причините за експлозиите на окупираната територија можат да бидат различни, многу различни, вклучитело, вели Зеленски, ја цитирам дефиницијата на самите окупатори – „лудило“.
„Но, сите тие имаат исто значење: уништувањето на окупаторската логистика, нивната муниција, воена и друга опрема и командни пунктови ги спасува животите на нашиот народ. Колку помалку можности имаат окупаторите да прават зло и да убиваат Украинци, толку побрзо ќе можеме да ја завршиме оваа војна со ослободување на нашата земја. А редицата деновиве за заминување од Крим за Русија преку мостот докажува дека апсолутното мнозинство граѓани на терористичката држава веќе разбираат или барем чувствуваат дека Крим не е место за нив.
И сакам да им се заблагодарам на сите Украинци кои им помагаат на нашите Вооружени Сили, нашите разузнавачи, нашите специјални служби да ја ослабат окупаторската армија. Ова е значајна предност на Украина и основната причина за нашата идна победа – борбата на нашите бранители се заснова на безусловната поддршка на украинскиот народ. Ова е народна ослободителна војна, ова е сеукраинска борба за слобода и независност на нашата земја.
Украина на еден или друг начин е заштитена од милиони. Милиони луѓе кои се борат на фронтот, кои се борат за своите градови и села, вклучително и во окупацијата, кои ја запреа опремата на окупаторот, кои ги информираа и ги информираат нашите разузнавачки и специјални служби, кои се спротивставуваат на окупаторите во нивниот грб, кои обезбедуваат неопходни залихи за Украина и работа на сите наши државни институции и стопанство, кои волонтираат, кои се борат за нашите интереси во странство, кои се борат во информативната војна.
И ние треба да направиме – и ќе направиме – сè за да ја зачуваме оваа национална основа на одбраната.
За да не се намали поддршката на Украина во светот и нашата држава да се движи кон победа, не треба да се намалува ниту нашата сопствена активност – апсолутно секој што на овој или оној начин застана во одбрана на нашата држава. Правете сè, како што правевте, за Украина. И уште повеќе, затоа што раководството на Русија очекува дека Украинците, Европејците и целиот свет ќе се чувствуваат уморни од оваа војна. Мора да направиме се за да не се измориме ние или нашите пријатели и партнери, туку нашиот непријател. За да ги избркаме окупаторите од Украина, на Русија мора да ѝ станува се потешко да се бори секој ден – ова е нашата воено-политичка задача број еден.
Денес разговарав со Претседателот на Франција, Емануел Макрон. Го информирав за ситуацијата околу нуклеарната централа Запорижја и за повторните руски провокации. Му се заблагодарив за големата поддршка. Вклучително, со господинот Претседател разговаравме за нова безбедносна и макрофинансиска помош на нашата држава.
Разговарав и со Премиерот на Данска. Исто така, за зголемување на финансиската поддршка за Украина, за нови санкции против Русија. Ѝес заблагодарив на г-ѓа Фредериксен за помошта во одбраната и за плодната конференција во Копенхаген на која неодамна беа договорени конкретни решенија за нашата одбрана.
За прв пат во историјата на нашите билатерални односи разговараше со Претседателот на Замбија. Се разговараше за соработката во меѓународните организации, безбедноста на храната и актуелните глобални закани.
Бан Ки Мун, осмиот Генерален секретар на Обединетите нации и Хуан Мануел Сантос, поранешен Претседател на Колумбија, денес ја посетија Украина. Главна тема на разговор со нив се безбедносните гаранции за Украина.
Правиме сè за да формираме таква воена, политичка и правна безбедносна архитектура за Украина, која ќе биде реална, ефективна и ќе работи на долг рок, гарантирајќи му мир на нашиот народ.
Руската армија денес го продолжи своето апсолутно бесмислено и брутално гранатирање на градовите од Запорижската област и Днепропетровскската област – Орихив, Никопол… За жал, има ранети, за жал, има и жртви. Гранатирањето на Харкив и пограничните области продолжува. Но, сето тоа нема да им даде ништо на окупаторите и нема да го скрши нашиот отпор.
Нашите херои одбиваат постојани и многу моќни напади во Донбас. Таму окупаторите користат се: авијација, ракети, фосфорни бомби, артилерија… Се водат многу жестоки битки.
Мора да поминеме низ тоа, да издржиме се и да се избориме за животот. Украина мора да победи и ќе победи.
Денес го потпишав указот за доделување награди на нашите бранители. На 189 војници им беа доделени државни награди. 158 се припадници на Националната гарда, од кои 21 постхумно. 26 граничари, од кои двајца постхумно. Тројца полицајци, од кои двајца постхумно. Двајца вработени во Државната царинска служба, од кои едниот постхумно.“, истакнува во обраќањето Зеленски.
