Саудиска Арабија го направи најголемото изненадување на Мундијалот во Катар и едно од најголемите во историјата на Мундијалите. Ја совладаа фаворизираната Аргентина по пресврт и победија со 2:1. Аргентинците поведоа со голот на Меси од пенал во 10. минута, но Ел Шехри и Ел Дасарви во 48. и 53. минута им донесоа голем триумф на Саудијците.
Саудијците грубо го започнаа натпреварот, а во 8. минута беа казнети, кога Абдулхамид по корнер го повлече Паредес. По гледањето на видеото, беше досуден пенал, кој Лео Меси рутински го сместува во мрежата во десеттата минута од натпреварот.
До крајот на полувремето на Аргентинците им беа поништени три гола поради офсајд.
По период на нешто поотворено играње на Саудијците, Меси ја затресе мрежата, но тоа беше очигледна недозволена позиција.
Се чинеше дека голот на Лаутаро Мартинез во 27. минута на одличната асистенција на Гомез ќе биде регуларен, но прегледот на видеото покажа дека Мартинез е во офсајд.
Потоа, на Мартинез му беше поништен уште еден гол поради очигледен офсајд. И покрај сето тоа, Аргентина можеше да дојде до два гола предност до полувремето, но Де Пол ужасно шутираше од многу добра позиција, од работ на шеснаесетникот.
А потоа шокот на стартот на вториот дел. Ел Шехри ја користи бавната реакција на одбраната на Аргентина и мајсторски го измами Мартинез за 1:1 во 48. минута.
Тоа не беше се. Само пет минути подоцна со спектакуларен гол од работ на шеснаесетникот капитенот Ел Дасаури и донесе водство на Саудиска Арабија која во тој момент играше како во транс.
Аргентинците се обидуваа во продолжението од мечот, но освен стопроцентната шанса на Таџиф во 65. минута кога блескаво реагираше саудискиот голман, немаа посериозни можности.
Меси се обиде со глава во 84. минута, но Ел Овејс лесно го сопре. Имаше осум минути прекини, но ништо не се промени и славењето на Саудијците можеше да започне.
Извор: СпортКлуб
