Извештаите од Министерството за земјоделство на Соединетите Американски Држави (USDA) имаат големо влијание врз светскиот пазар на житарки. Минатата недела покажува дека Австралија треба да постигне рекорден извоз оваа сезона, за разлика од Аргентина, која ќе падне на најниско ниво во последните осум години. Сепак, поголемиот извоз од Австралија, ЕУ, Русија и Украина ќе го надомести тоа.
Оваа анализа ги намали цените на пченицата во САД и Европа, кои паднаа за речиси 60 евра по тон во последните шест недели, пишува Agrarheute. Така, во петокот вечерта, терминскиот договор за март 2023 година на берзата во Чикаго падна за 13 центи, на 733 центи за бушел (0,25 евра/кг).
И на парискиот MATIF терминскиот договор за декември падна за 5 евра, на 302 евра за тон, а исто толку се тргуваше и за следните договори.
Почетокот на неделата донесе промени. Имено, викендов поради нападот на Одеса, Украина, дошло до прекин на снабдувањето со електрична енергија во важно пристаниште на Црното Море. Дополнително, мерките за ковид-19 беа олеснети во Кина, што доведе до раст на цените.
Така вчера на францускиот MATIF пченицата за договори во март се тргуваше за 1,3 отсто повисока цена и чинеше 306,25 евра/т. Како што пишува Farmer, котациите во однос на претходната година се зголемени за 7,5 отсто. И серијата договори што истекуваа со испорака во декември пораснаа за 0,1 отсто, на 303,00 евра/тон.
На берзата во Чикаго, за декемвриските договори се зголеми за 2,8 отсто на 269,33 американски долари/тон и е за 6,3 отсто понизок од минатата година.
Тргување со пченка
Цената на пченката на Париската берза во мартовскиот договор порасна за 0,3 отсто и изнесуваше 287,50 евра/т, што е зголемување за 16,4 отсто во однос на лани.
На берзата во Чикаго нејзината цена за испорака во декември порасна за 1,0 отсто и изнесуваше 252,45 американски долари/т и во однос на минатата година е зголемена за 9 отсто.
Извор: Агротим
