Трите внуки на кралот на рокенролот, Рајли, Харпер и Финли, ќе го наследат неговиот имот по смртта на нивната мајка.
Познатиот замок на Елвис Присли во Грејсленд во Мемфис, Тенеси, престојува во семејството по смртта на неговата ќерка.
Лиза Мари Присли го наследила имотот од нејзиниот легендарен татко на рокенролот, откако тој починал во 1977 година, кога таа имала девет години. Таа почина во четвртокот на 54-годишна возраст од срцев удар.
Претставник на Грејсленд изјави дека имотот сега ќе биде предаден на трите ќерки на Лиза Мари, Рајли, Харпер и Финли. Замокот Грејсленд нуди јавна посета со распространети музејски експонати и е вториот најпосетуван домашен музеј во САД по Белата куќа, привлекувајќи повеќе од 600.000 гости годишно.
Единственото дете на Елвис, Лиза Мари е родена девет месеци до денот по свадбата на нејзиниот татко и мајка, Присила Присли. Раните години ги поминала живеејќи во Грејсленд. Кога имала пет години, нејзините родители се развеле и таа се преселила со нејзината мајка во Лос Анџелес, иако честопати летала назад во Мемфис за да го посети својот татко во Грејсленд.
По смртта на Елвис, преку фондот за доверба имотот Грејсленд и припадна на Лиза Мари. Таа доверба се раскина кога таа наполни 25 години, и Лиза Мари стана полноправна сопственичка на имотот, кој подоцна стана музејска атракција во чест на животот и кариерата на нејзиниот татко Елвис Присли.
Лиза Мари ги помина последните години управувајќи со Грејсленд заедно со нејзината мајка и Националната трговска банка. Таа, наводно, пронашла големо лично значење и цел во нејзиното управување со Грејсленд, покрај сопствената музичка кариера, нејзините четири брака, вклучително и еден со суперѕвездата Мајкл Џексон во пикот на неговата популарност.
Освен што продолжи со пејачка кариера во која објави три албуми, Лиза Мари имаше две деца од бракот со Дени Киу: актерот Рајли Киу (33) и Бенџамин, кој се самоуби летото 2020 година кога имаше 27 години. ќерките близначки Харпер и Финли (14) со Мајкл Локвуд, од кого се разведе во 2021 година.
Рајли, Харпер и Финли сега треба да бидат корисници на довербата на Грејсленд. Претставник на Рајли Киу потврди дека планот бил Лиза Мари да биде погребана на теренот на Грејсленд до Бенџамин.
Во соопштението на официјалниот Твитер профил на Грејсленд, семејството Присли се опиша себеси како „шокирано и уништено“ од смртта на Лиза Мари, која два дена претходно присуствуваше на Златните глобуси, каде актерот Остин Батлер доби награда за неговата улога.
„Моето срце е целосно скршено за Рајли, Финли, Харпер и Присила“, рече Батлер во изјавата и додаде дека вечно ќе биде благодарен за времето поминато со неа.
Подготви: А.Р.