Кога очите на целиот свет се впрени кон апокалиптичниот земјотрес во Турција и Сирија, во кој досегашната бројка на настрадани е над 5 илјади жртви, францускиот сатиричен магазин „Шарли Ебдо“ реши да го иронизира настанот преку карикатура.
Имено, магазинот „Шарли Ебдо“ на својот профил на социјалната мрежа Твитер објави карикатура која предизвика „лавина“реакции. Карикатурата се состои од разурнати згради, под кои е испишано„ Земјотрес во Турција! Нема потреба од испраќање тенкови…
✏️Le dessin du jour, par #Juin pic.twitter.com/kPcEqZDocO
— Charlie Hebdo (@Charlie_Hebdo_) February 6, 2023
Карикатурата не беше добро прифатена на Твитер, а во голем број од коментарите под објавата се повикува на хуманост.
Еден од коментарите гласи „Дури и Турците беа „Шарли Ебдо“ за да ја споделат вашата болка, а вие денес се осмелувате да се исмевате со страдањата на цел народ. Навистина треба да имате нерви за да го правите ова, кога сè уште има бебиња кои чекаат помош под урнатините“.
Според официјалните податоци бројот на загинати во големиот земјотрес што ги погоди Турција и Сирија се искачи над 5.000, а спасувачките тимови се уште трагаат по преживеани под урнатините. Најмалку 3.419 луѓе загинаа во Турција и 1.602 во делови на Сирија под контрола на владата и бунтовниците, со што вкупниот број достигна најмалку 5.021.
Н. Абдурахмани / ЦИВИЛ Медиа
