СДСМ преку одговорни, ефикасни и навремени економски политики и предвреме ги остварува ветувањата дадени пред граѓаните.
Во 2020 година, пред парламентарните избори пред граѓаните дадовме ветување за минимална плата од 20.000 денари.
Денес, една и пол година пред крајот на мандатот, тоа ветување го реализираме.
Шкријељ истакнува дека веќе со мартовската плата, минималните месечни примања ќе се зголемат на 20.175 денари, односно за над 2.000 денари од сегашната минимална плата која изнесува 18.000 денари.
Претходно, исто така на година и половина од крајот на мандатот, реализиравме уште едно клучно ветување, за просечна плата од 34.000 денари.
28 месеци од почетокот на мандатот на оваа Влада, во декември 2022 година, просечната плата според Државниот завод за статистика изнесуваше 34.364 денари.
Важно е да се напомене дека овие остварувања се случуваат во години кога бевме соочени и се уште се соочуваме со последиците прво од здравствената, а потоа од економската и енергетската криза.
За нас во СДСМ, зборот даден пред граѓаните останува збор, ветеното го реализираме.
Сето ова е дополнителен мотив да работиме уште повеќе посветено во реализација на ветувањата дадени пред граѓаните, потенцира Шкријељ на прес-конференцијата на СДСМ.
