Меѓу мноштвото изданија на Нетфликс што се објавија во петокот – кои ја вклучија новата серија за натпреварување за танцување Dance 100 и анимираниот филм The Magician’s Elephant – љубителите на криминалните трилери беа наградени со дебито на Sky High: The Series, шпанско јазично продолжение на истоимениот филм на Нетфликс од 2020 година.
Оваа нова серија, која веќе се искачи на 4 место во САД, без сомнение ќе им се допадне на љубителите на слични понуди на Нетфликс како Money Heist и Sky Rojo. Изгледа фантастично, сценариото и дејството се јасни и ве држат ангажирани, а фокусирани.
Режисер е Даниел Калпарсоро (Centaur, To Steal from a Thief), а сценариото е од Хорхе Герикаечеварија (Eye for an Eye, Celda 211). Во главните улоги се: Asia Ortega, Luis Tosar, Álvaro Rico.
„Ангел го нема, но Соле не сака да биде нечија вдовица ниту нечија ќерка. Таа е подготвена да ја води сопствената банда за да стигне каде што сака да биде. Без разлика на цената“, е главното сиже по кое се одвива оваа крими серија.
Во САД, Sky High: The Series моментално ја надминува блокбастерската К-драма на Нетфликс, The Glory, но и другите познати хитови на Нетфликс, како Wednesday и Perfect Match.
Подготви: Ј. Ѓ.
