Центарот на Денвер нагетс, Никола Јокиќ постигна трипл-дабл во петтиот натпревар против Феникс санс (118:102, 3-2).
Јокиќ на натпреварот одигран рано утрово во Денвер, за 38 минути имаше 29 поени (12 од 20 од поле), 13 скока и 12 асистенции.
За Србинот ова е 10-ти трипл-дабл во НБА плеј-офот, тој стана рекордер по овој показател меѓу центрите, престигнувајќи го легендарниот Вилт Чембрлен (9).
Лидер во плејофот во трипл-дабл е Меџик Џонсон (30), а потоа следат Леброн Џејмс (28), Расел Вестбрук (12) и Џејсон Кид (11).
