Неколку американски федерални владини агенции, меѓу кои и Министерството за енергетика, се погодени во глобален кибер-напад од руски сајбер-криминалци кои ја искористиле ранливоста во широко користен софтвер за пренос на датотеки, изјавија официјални лица, јави Си-Ен-Ен.
Американската агенција за кибер безбедност и безбедност на инфраструктурата „обезбедува поддршка за неколку федерални агенции кои доживеале упади кои влијаат на нивните апликации MOVEit“, рече Ерик Голдстајн, извршен помошник директор на Агенцијата. – Работиме забрзано за да ги разбереме влијанијата и да обезбедиме навремена санација, истакна тој во изјава за Си-Ен-Ен.
Хакерите искористиле безбедносен пропуст во програмата MOVEit TRANSFER и ги „компромитирале“ податоците во две структури на Одделот за енергетика, се вели во извештајот.
Засегнатите организации во рамките на одделот се универзитетскиот конзорциум „Oak Ridge Associated Universities“ (Универзитети Oak Ridge) и Pilot Plant за изолација на отпад – локација во Ново Мексико за отстранување на нуклеарниот отпад од одбранбениот сектор.
Цел на нападот бил и Шел, Универзитетскиот систем на Џорџија (чадор организација на различни универзитети во државата Џорџија), Универзитетот Џон Хопкинс и здравствениот систем Џон Хопкинс, според пораките објавени од трите организации.
Познато е дека Клоп, групата за која се претпоставува дека е одговорна за нападот, вообичаено бара откуп од повеќе милиони долари. Но, засега не се поднесени барања за откуп од федералните агенции, изјави висок американски функционер, јави Си-Ен-Ен.
