„Предлог Законот за македонски јазик вчера го помина првото читање на пленарна седница во Собранието. Дебатата е на високо ниво, на едно конструктивно ниво бидејќи зборуваме за Закон за употреба на македонски јазик којшто решивме оваа година заедно со работната група да го претставиме како нов текст“ рече министерката за култура, Бисера Костадиновска-Стојчевска во утринската емисија на Канал 5.
Таа додаде дека постоечкиот закон бил изгласан во 1998 година и претрпел само неколку технички промени оттогаш, ја регулирал употребата на македонскиот јазик и неговото крилично писмо, но имал одредени недостатоци.
„Сега понатаму пристапуваме кон амандманска расправа, односно второ читање на законот каде што се надевам дека конструктивната дебата ќе продолжи. Се надевам дека овој закон ќе биде во најразумно време изгласан“ рече Костадиновска-Стојчевска.
Министерката исто така додаде дека со Законот за државни награди се предвидуваат две нови државни награди – Блаже Конески и Ремзи Несими за особени достигнување во македонскиот јазик и во албанскиот јазик. Како што објасни министерката Костадиновска-Стојчевска и овој закон вчера го помина собранискиот филтер на пленарна седница.
