Инфлуенсерот на социјалните мрежи Каи Сенат е обвинет за потткнување бунт и незаконско собирање на толпа луѓе, откако илјадници млади луѓе се собрале на Јунион Сквер во Њујорк да учествуваат на неговото дарување, пренесе Си-Ен-Ен.
Како последица на овој настан, десетици луѓе се уапсени, а неколку полициски службеници се здобиле со повреди.
Сенат, кој има над 4 милиони следбеници на Јутуб, преку 5 милиони на Инстаграм и 6,5 милиони на Твич, во средата се обратил на своите следбеници во живо на Твич дека ќе спроведе „огромно дарување“ во петок во 16.00 часот попладне во Јунион Сквер.
Притоа, за време на обраќањето во живо, изјавил дека ќе дарува разни гаџети, од типот на компјутери, тастатури, камери, микрофони, столчиња, слушалки, од камион, бидејќи верувал дека Њујорк го заслужува тоа.
Луѓето почнале да се собираат во паркот околу 15.00 часот напладне изјавил началникот на њујоршката полиција, Џефри Мадри, на едната прес-конференција, додавајќи дека „за кратко време, паркот и околните улици биле преплавени со луѓе, кои го попречувале сообраќајот“.
Во рок од неколку минути, 300 деца станале илјадници деца, изјавил началникот на полицијата на втората прес-конференција.
Тој истакнал дека како што растела топлата, така „извесни лица во паркот почнале да се однесуваат насилно кон полицијата и околината. Дел од насилниците успеале да прибават предмети од околното градилиште.
„Имаше луѓе кои шетаа наоколу со лопати, секири и други алати од градилиштето“, „А исто така, поединци палеа огномети и ги фрлаа кон полицијата, и фрлаа кон нив.“
Полицијата го отстранила Сенат од безбедносни причини, посочи началникот, според кој стримерот на Твич не ја известил полицијата дека ќе собира луѓе, ниту пак имал дозвола за такво нешто, со што самиот собир се смета за незаконско дејство.
Неколку полицајци се здобиле со повреди, а голем број луѓе беа уапсени додека полицијата работеше на расчистување на толпата, рече Мадри. Тој гестикулираше кон нечистотијата на својата униформа, велејќи: „Бев во средината на толпата, ме удираа со повеќе предмети“.
„Некои родители излегоа во паркот во потрага по своите деца“, но Мадри рече дека посакал повеќе родители да дојдат да помогнат да се разбие толпата.
Полицијата уапси 65 лица, вклучително и 30 малолетници, рече Мадри на прес-конференцијата во петокот вечерта. Тој истакна дека видел млади луѓе повредени во толпата како и полицајци.
Сенат е обвинет за две точки од обвинението за поттикнување бунт и незаконско собирање, меѓу другите обвиненија, рече Мадри.
„Ние не сме против младите да се забавуваат, не сме против младите да се собираат“, рече Мадри. „Но, не смее да случи вакво нешто до ова ниво, каде што е опасно. Многу луѓе беа повредени денес“.
Сенат за време на неговиот пренос во средата рече дека присутните ќе можат да освојат награди откако точно ќе одговорат на „случајни прашања“ поврзани со Јутуб и стриминг. „Ако одговорите точно, бум, добивате PS5“, рече тој.
Сенат емитуваше во живо на Твич во петокот за одреден дел од настанот, објавувајќи видео од толпата. Во едно видео навидум објавено од внатре во камион, тој го опиша хаотичното собирање, велејќи: „Секој е за себе. Тоа е војна таму“. Тој го опиша и силното полициско присуство.
Во петокот попладне, инфлуенсерот објави слика на Инстаграм за насобраната толпа со пораката: „Ве сакам момци, вие сте неверојатни“.
Инфлуенсерите треба да се искомуницираат со органите на редот пред да организираат каков било настан, за да можат да се постават бариери и да се донесат дополнителни службеници, рече Мадри.
Извор: Си-Ен-Ен
Подготви: М. Пешевска
