Во Јапонија започна утрово втората фаза од испуштањето на прочистената вода од оштетената нуклеарна централа во Фукушима во Тихиот Океан, објави операторот.
На 24 август, Тепко ја започна првата фаза на ослободување на водата потребна за ладење на трите реактори во централата Фукушима Даичи во североисточна Јапонија.
Силен земјотрес и цунами на 11 март 2011 година ги уништија системите за ладење на реакторот, предизвикувајќи контаминација на водата.
Околу 1,34 милиони тони вода се собрани, прочистени и складирани во околу 1.000 акумулации, чиј капацитет ќе биде исполнет на почетокот на 2024 година.
Испуштањето на пречистената отпадна вода во океанот наиде на силно противење од страна на јапонските риболовни организации, како и кинеските и јужнокорејските здруженија, претворајќи го во политичко и дипломатско прашање.
