Во саботата во Театар Куманово се случи премиера на новата комедија „Љубовна Терапија” во режија на Драгана Таневска а според текст на Кристофер Дјуранг.
Во претставата игра млада но истакната актерска екипа која полека но сигурно го гради својот пат – Владанка Крстевски, Марко Трајковиќ, Александра Михајловска Величковски, Никица Јанковски и Матеј Стојковски.
Кога претставите во Куманово се спремаат за Денови на Комедија тоа е посебен празник, па така и овој процес и самата премиера беше празник за театарот.
„Љубона терапија” се фокусира на две општествени појави ,кои стануваат тренд во нашето општество, користење на апликации за запознавање на луѓе и одење на терапија. Како секој друг жанр или уметнички производ така и комедиите имаат идеолошка страна која многу добро може да се набљудува преку начинот на кој жените и мажите се конструирани и портретирани. Низ историјата тие се претставени во согласност со нивната вистинска улога во општеството и на кои политичките и општествените струи се оформувала нивната слика и идеја за тоа како треба да се однесуваат. Предметот на сексуалниот контекст во врската на паровите е исто така „ проблем “кој е силно поврзан со тоа што општеството мисли за однесувањето на мажите и жените за време на нивниот емоционален и/или физички контакт. Познато е дека во минатото , женската фигура била силно поврзана со фигура на мајка, а нејзината улога во општеството главно била поврзана со работата во домаќинството, воспитувањето деца и ништо повеќе. Меѓутоа, модерното време „открива “ поеманципирана жена која може слободно да ја избира својата улога/улоги во општеството и чии хоризонти повеќе не се прошируваат следејќи го претходно воспоставено верување дека нивната моќ не може да се спореди со моќта на мажите. Повеќето романтични комедии се базираат на промена на улогите на мажите и жените со пренесување на моќта , што обично е репрезентативна за мажите, на жените. – во разговор за „Фронтлајн“, вели режисерката Драгана Таневска, чии претстави веќе успешно ја освојуваат сцената во Македонија но и надвор од неа.
За процесот таа додава „Кога се работи комедија процесот секогаш е креативен и забавен на еден посебен начин. Енергијата која е на сцена додека се игра претставата ние ја имавме уште од прва проба. Во Театар Куманово има една многу талентирана, млада и амбициозна екипа со која соработката беше прекрасна”
За тоа колку е важен хуморот во нашиот секојдневен живот ние сме свесни, но Кумановчани особено се печатирани кога станува збор за него, вели Таневска.
„Хуморот е многу значаен дел од секојдневниот живот на кумановчани и тие по тоа и се препознатливи . Интересот за посетување на театар секогаш е многу голем , посебно кога е во прашање нова комедија на репертоарот. Направивме една модерна , нетипична комедија која одлично ја прими публиката на премиерата и се надеваме дека ќе имаме уште многу изведби и надвор од Куманово” додава Таневска за „Фронтлајн“.
Екипа Фронтлајн
