Малезиското кралско семејство го избра почитуваниот и моќен султан Ибрахим Султан Искандар од јужната држава Џохор за нов крал на земјата.
Кралот има главно церемонијална улога во Малезија, но монархијата во последните години стана повлијателна поради продолжената политичка нестабилност што го натера актуелниот крал да практикува ретко користени дискрециони овластувања.
Малезија има уникатен систем во кој челниците на нејзините девет кралски семејства ротираат на тронот, а кралот се избира за петгодишен мандат. Оваа земја од Југоисточна Азија е парламентарна демократија, со монарх на чело на државата.
Султанот Ибрахим ќе ја преземе функцијата од сегашниот крал Ал-Султан Абдула на 31 јануари 2024 година, се вели во соопштението објавено денеска на чуварот на кралскиот печат.
За разлика од другите традиционални малезиски владетели, султанот Ибрахим отворено зборува за политика и рече дека има добри односи со премиерот Анвар Ибрахим.
Султанот, за кој се знае дека има голема колекција луксузни автомобили и мотоцикли, има широки деловни интереси од недвижнини до рударство.
Кралот Ал-Султан имаше невообичаено активна улога во малезиската политика, избирајќи ги последните тројца премиери. Сојузниот Устав му дава на монархот само неколку дискрециони овластувања, при што кралот главно се бара да дејствува по совет на премиерот и кабинетот.
Кралот исто така може да назначува премиер за кој верува дека има парламентарно мнозинство, моќ што никогаш не била искористена до 2020 година, бидејќи премиерот вообичаено се избора на избори. Кралот Ал-Султан ги користеше овие овластувања за време на период на политичка нестабилност предизвикана од поразот на Обединетата малезиска национална организација (UMNO), која владееше со Малезија континуирано од независноста до 2018 година.
Кралот има и моќ да помилува осудени лица. Во 2018 година, претходникот на Ал-Султан, султанот Мухамед V, го помилува Анвар, кој тогаш беше затворен поради обвиненија за содомија и корупција за кои тврдеше дека се политички мотивирани.
Поранешниот премиер Наџиб Разак, кој минатата година беше затворен поради пресуда за корупција поврзана со скандалот околу државниот фонд 1MDB, поднесе барање за кралско помилување кое новиот крал би можел да го разгледа.
