Синоќа државата-терорист рф изврши ракетни напади со „Оникс“ и „Искандер-М“ врз Одеса – има погодени објекти, станбени згради, музеј класифициран како место на наследство на УНЕСКО, индустриски објекти. Руската Федерација продолжува со теророт. Украина се бори, напиша украинската амбасадорка во земјава, Лариса Дир во својот твит на 621-от ден од руската целосна инвазија врз Украина.
621. Синоќа државата-терорист рф изврши ракетни напади со „Оникс“ и „Искандер-М“ врз Одеса – има погодени објекти, станбени згради, музеј класифициран како место на наследство на УНЕСКО, индустриски објекти.
рф продолжува со теророт.
Украина се бори. pic.twitter.com/0Tpor6Qy9l— Larysa Dir (@dir_larysa) November 6, 2023
Антон Герашченко исто така објави дека Русија синоќа со разни видови ракети и беспилотни летала ја нападна Одеса.
Last night, Russia attacked Odesa with various types of missiles and drones.
The building of Odesa National Art Museum, a UNESCO monument (which is 124 years old today), was seriously damaged.
Missiles hit the city center. Several multi-story residential buildings were damaged… pic.twitter.com/mtclvs31aa
— Anton Gerashchenko (@Gerashchenko_en) November 6, 2023
Зградата на Националниот уметнички музеј на Одеса, споменик на УНЕСКО (кој денес има 124 години), беше сериозно оштетена.
Проектили го погодија центарот на градот. Од бранот експлозија оштетени се неколку катни станбени згради.
Повредени се осум лица. Жртвите имаат рани од шрапнел.
Русија со беспилотни летала ја нападна и пристанишната инфраструктура на Одеса. Украинските сили за воздушна одбрана уништија 15 дронови, напиша тој на Икс.
П-800 Оникс е руска суперсонична противбродска крстосувачка ракета развиена во 1983 година и во 1990-тите. Оникс се покажа како тешка закана за украинската против-воздушна одбрана.
Портпаролот на воздухопловните сили Јуриј Ихнат истакна дека профилот на летот на проектилот е особена загрижувачки.
„Ракетите „Оникс“ се дизајнирани да уништуваат пловила и бродови, лета со брзина од 3000 км на час, односно многу брзо,…На летот [крстарењето] може високо да се издигне, а при влегувањето во целта, всушност може да лета 10-15 метри над водата за да го уништи бродот“.
Тој заклучи дека е „невозможно“ да се соборат со расположливи противвоздушни средства, но спомена дека е постигнат одреден успех при користењето на електронската војна против нив.
Додека хиперсоничната ракета „Искандер“ е мобилен балистички ракетен систем со краток дострел произведен и распореден од руската војска. Тие патуваат со крајна хиперсонична брзина од 2100–2600 m/s (6–7 мах) и можат да достигнат височина од 50 km бидејќи се движат до 500 km. Ракетните системи (Искандер-М) требаше да ги заменат до 2020 година наводно застарените системи ОТР-21 Точка во руската војска.
Искандер има неколку различни конвенционални боеви глави, вклучувајќи боева глава за касетна муниција, боева глава со експлозивна експлозија гориво-воздух, боева глава со висока експлозивна фрагментација, земјен пенетратор за разбивање на бункер и уред со електромагнетни импулси за антирадарски мисии. Ракетата може да носи и нуклеарни боеви глави.
Драган Мишев / Цивил Медиа
