Руските сили во изминатите 48 часа гранатаирале станбени објекти и цивилна инфраструктура во неколку региони во Украина. Според известувањата на Укринформ, повредени се 8 цивили во Херсон, осум цивили се повредени и во руски напад на градот Одеса. Руските трупи 23 пати гранатираа седум населени места во пограничните области на регионот Суми.
Националниот музеј на уметност на 6 ноември полни 124 години. Русите „му честитаа“ на нашиот архитектонски споменик со проектил кој падна во близина, рече Олех Кипер, гувернер на регионот Одеса чиј административен центар е Одеса, на апликацијата за пораки Телеграм.
Осум локални жители на Одеса се повредени, од кои пет се хоспитализирани, во рускиот ноќен напад врз градот, напиша Кипер.
-Оштетени се ѕидовите на зградата, искршени се некои прозорски стакла, додаде тој.
Кипер подоцна изјави дека над градот биле уништени 15 дронови лансирани од Русија. Оштетени се неколку станбени објекти, а магацинот и камионите со жито беа зафатени од пожар, кој набрзо беше изгаснат.
Националниот музеј во Одеса, една од најстарите палати во градот, имаше повеќе од 10 илјади експонати пред војната, вклучувајќи слики од некои од најпознатите руски и украински уметници од крајот на 19 и почетокот на 20 век.
На 5 ноември 2023 година, руските трупи го нападнаа регионот Херсон 132 пати, истрелувајќи 640 проектили, изјави шефот на регионалната воена управа на Херсон, Олександр Прокудин.
Според Прокудин, непријателот користел минофрлачи, артилерија, беспилотни летала, тенкови, авиони, противвоздушни пушки С-60 и ракетни системи за повеќекратно лансирање Град (МЛРС).
„Педесет и осум руски проектили беа испукани врз градот Херсон. Непријателските напади беа насочени кон станбени области низ населбите во регионот Херсон. Беше погодена продавница во Берислав, како и приватни претпријатија во Херсон. По руското гранатирање, пријавени се осум повредени“, соопшти Прокудин.
На 5 ноември 2023 година, руските трупи гранатираа седум заедници во пограничните области на регионот Суми 23 пати, соопшти регионалната воена управа на Суми.
Според извештајот, регистрирани се осумдесет и пет експлозии. Гранатирањето [непријателски] ги погоди заедниците како Миропилија, Билопилија, Краснопилија, Јунакивка, Шалихине, Середина-Буда и Есман.
„Конкретно, руските напаѓачи ја погодија заедницата Миропилија со минофрлачи, предизвикувајќи 10 експлозии. Уште шест минофрлачки бомби беа испукани врз заедницата Есман. Русите ја нападнале заедницата Середина-Буда со повеќекратни ракетни системи за лансирање (МЛРС). Таму се регистрирани девет експлозии. Останатите заедници страдаа од руски комбинирани напади. Заедницата Билопилија беше погодена од непријателски MLRS, минофрлачи и артилерија (осум, четири и пет експлозии соодветно). Заедницата Шалихине беше под непријателски артилериски и минофрлачки оган (11 и три експлозии соодветно). Заедницата Јунакивка беше нападната од руски минофрлачи и автоматски фрлачи на гранати АГС-17 (10 и две експлозии соодветно). Дополнително, руските напаѓачи извршија артилериски напади (осум експлозии) и напади на МЛРС (четири експлозии)“, се наведува во извештајот од воената управата на Суми.
Подготви: Ј. Ѓ.
