Украинскиот „Дифенс експрес“ објави извештај во кој се сугерира дека Русија користела севернокорејски балистички ракети КН-23 за време на масивните напади на 29 декември 2023 година, насочени кон Запорижја и на 2 јануари 2024 година, насочени кон Харкив.
Според нивниот извештај, Defence Express добил потврда од свои извори кои собрале и анализирале остатоци од неколку проектили користени во нападот во Харкив на 2 јануари 2024 година, посочувајќи конкретно на севернокорејската ракета КН-23.
Неодамнешното официјално соопштение од 4 јануари, Вашингтон ја призна руската употреба на севернокорејски ракети без да се прецизира точниот тип. Ова е втор случај, како што соопшти Белата куќа, по нападот на 29 декември 2023 година, кога друга севернокорејска балистичка ракета падна на поле во близина на Запорижја.
Познат како КН-23 во западните конвенции за именување, севернокорејскиот тактички ракетен систем има сличност со руските системи „Искандер“, со проценет дострел од околу 700 километри.
Димензиите на KN-23 се проценуваат на 7,5 метри во должина, 0,95 метри во дијаметар и вкупна тежина од 3415 килограми. Постоењето на современи системи за таргетирање останува дискутабилно. Постои потврдено верување дека дизајнот КН-23 во голема мера позајмува од руските технологии, споделувајќи сличности со ракетниот систем 9М723 Искандер.
Подготви: Д. Мишев / Цивил Медиа