Воздухопловот специјализиран за команда, контрола и надзор, А-50 АВАКС на руските воздухопловни сили успешно го лоцирааше крстосувачот Москва на дното на морето.
Целата операција се одвиваше во голема тајност, бидејќи на истата и предходеше револуционерна пренамена на воениот авион, кој руската воена индустрија, под притисок на ракетните напади на украинските воени сили, го пренамени во подморница, и сега може мирно да истражува и лоцира руски воени бродови залутани на дното на морето.
Ова е уште еден доказ на досетливоста и успешноста на конструкторите на руската воена индустрија, кој како и предходно со пренамената на крстосувачот Москва во подморница, сега со дополнителни напори и голема инветивност, во подморница го претворија и воениот авион А-50, со што успешно им пркосат на украинските ракетни напади сокривајќи ги под површината на морето.
Како што беше објавено денес на социјалните мрежи, херојската приказна за малиот А-50 кој никогаш не се откажа од потрагата , која заврши успешно, веќе добива и своја екранизација.
Капетан Микула мали / Цивил Медиа
Оградување, одбрана и заштита: Ова е козерија. Секоја сличност на овој текст со реалноста е (не)намерна.
