Платите во здравството во 2016 година беа 24.829 денари, додека во 2023 просечната плата во здравството изнесуваше 42.379 денари покачување од 70 отсто, покажува инфографикот кој вицепремиерот за економски прашања, Фатмир Битиќи го сподели на социјалните мрежи.
„Наставниците, професорите, здравствените работници, полицајците и војниците беа сведоци на зголемување на платите како никогаш досега. Бројките сами по себе зборуваат за нашите достигнувања во подобрувањето на благосостојбата и условите за работа“ напиша Битиќи.
На инфографикот што го сподели се гледа разликата во платите во 2016 и 2023 година. Наставниците во основните училишта во 2016 година земале 20.745 денари плата, а во 2023 нивната плата изнесува 34.259, покачување од 65 отсто.
Во средните училишта платата била 20.917, додека во 2023 таа е 35.331 денар, што е покачување за 68 отсто.
Најголем раст на платите има во градинките, каде од 15.509 денари во 2016 година, во 2023 година платата е искачена на 28.891 денар или покачување од 86 отсто.
Висок раст на платите има и на универзитетите, каде од 27.789 денари, платата е покачена на 51.563 денари, раст од 85 отсто.
Во Армијата платите од 24.605 денари се покачени на 43.141 денар, додека во полицијата од 31.353 на 44.367 денари.
