Најмалку четворица мртви во најсилниот земјотрес во Тајван во последните 25 години

Силен земјотрес со јачина од 7,4 степени според Рихтеровата скала денеска го погоди Тајван, а според засега достапните информации четири лица загинаа, а десетици се повредени. Бројот на жртви се очекува да се зголеми, наведуваат локални медиуми, посочувајќи дека станува збор за најсилниот земјотрес во последните 25 години во оваа земја.

🚨🕖 Aftershocks felt across #Taiwan following the 7.2 magnitude quake at 07:58 near Hualien County, 25 km SSE, depth of 15.5 km 🌊🇹🇼. Stay vigilant and safe! #TaiwanEarthquake pic.twitter.com/dQ40O7fRMX

— TVBS World Taiwan (@tvbsworldtaiwan) April 3, 2024

Телевизиските станици емитуваа снимки од згради како се нишаат во густо населениот источен град Хуалиен, во близина на епицентарот, посочувајќи дека најмалку 26 згради се урнале ли оштетиле.

Локалните медиуми јавуваат дека во зградите има заглавени луѓе, а според последните информации на тајванската противпожарна служба загинале четири лица, а околу 60 се повредени.

Земјотресот предизвика прекин на електричната енергија, а тој се случи во 7:58 часот по локално време на длабочина од 15,5 километри од јужниот брег. Во Тајпеј сè уште се чувствуваат последователни потреси, со најмалку 25 досега, според жителите. Повеќе од 87.000 домаќинства останаа без струја, а запрени се и брзите железнички возови.