„Што добија граѓаните 11 години со ВМРО – ДПМНЕ, па сега да се надеваат дека ВМРО – ДПМНЕ ќе ги направи повторно горди ве молам. Во тие 11 години граѓаните беа најпонижени, најосиромашени, најпритиснати, најмногу лажени, најмногу охрабрувани и 11 празни и изгубени години за МК, ништо друго не добивме од нивното владеење“ посочи секретарот за меѓународна соработка и кандидат за пратеник од ИЕ1 Бојан Маричиќ, пред собирот на граѓани во Влае.
Маричиќ порача дека само со СДСМ и коалицијата, претседателот Пендаровски и претседателот Ковачевски граѓаните и државата е сигурна затоа што знаеме каде одиме.
„Кој денес има право да каже направивме многу, ја внесовме државата во НАТО, чекориме силно кон ЕУ и никогаш нема да се откажеме од таа ЕУ? СДСМ. Кој денес може да ве погледне во очи и да каже спремни сме за борба и нема да се откажеме од ЕУ? Повторно СДСМ. Кој го нуди планот за развој на државата? Повторно СДСМ. Кој има храброст да ги признае грешките и да каже погрешивме многу работи, но кој работи греши? Повторно СДСМ. Кој има сила да ги исправи грешките? Повторно СДСМ. И нашата коалиција,“ посочи Маричиќ.
Тој кажа дека само СДСМ има план и за економија и за енергетика, наспроти празните ветувања, многу омраза, навреди, манипулации, лаги и црна кампања од другата страна.
